منتدى عيون كلباء

منتدى عيون كلباء (http://www.kalbaeyes.net/index.php)
-   عيون المرأة والمطبخ (http://www.kalbaeyes.net/forumdisplay.php?f=16)
-   -   ال..كب توست (http://www.kalbaeyes.net/showthread.php?t=3420)

~<[شــموعـ]>~ 03-22-2010 07:14 AM

ال..كب توست
 
صبااااااااااااااح الخير... البارحه جربت أكلة وكانت أول مره اسويها بس الصراحه طلعت ماعليها كلام وبعض الناس قالولي أن العشا كان لذيــــــــــــذ وع قولته أوووووووووووووف....



الموهيـــم أكلتنا اليوم هيه كب توست .... ع كيفي طبعا مسميتها..خخخ


المقادير ...>>>

طبعا نحتاج صينية فرن ام قوالب ويفضل ان القوالب اتكون فيها عمق اشويه..
توست...
حبة بصل متوسطه مقطعه شرائح متوسطه ..
نص حبة فلفل بارد مقطعه مكعبات صغيرة...
حبة طماطم مقطعه مكعبات صغيرة...
زيت
لحم مفروم وممكن نستبدلة بالدجاج المفروم "تقريبا 12 قطعه توست تحتاج نص كيسة اللحم المفروم الي شكلها جي اصطواني خخخ" يعيش الوصف".خخخ
عود كزبرة وبقدونس حسب الرغبة طبعا..
فصين ثوم او ثلاث انقطعهم صغار...
جبنة موزاريلا مبشوره وجبن شيدر ...
بيضه وحده ..


<<<<<>>>>>


طريقه التحضير>>...

نشيل اطراف التوست وندهنها من الوجهين بالزيت " مب وايد يعني لا اتخلون الزيت يقطر خخخخ" وركزوا ع الاطراف اتكون فيها زيت عسب ما تيبس فالفرن...
ندهن القوالب بالزيت بس مش وايد لن اوردي التوست مدهون بالزيت ونحط كل حبة توست فكل قالب فالصينيه ونضغط عليها ع داخل "مثل ماتقولون انبطن القوالب بالتوست ولا اتخافون من انه يتقطع لن راح يكون طري بسبت الزيت"



الحشو>>...


نغسل اللحم او الدجاج المفروم وانحطه ع الغاز لين ما يتبخر الماي الي فيه وعقب انحط شرائح البصل والفلفل البارد بس مو كله تقريبا النص والثوم واشوية زيت وانشيطه مع اللحم او الدجاج وعقب انحط البقدونس والكزبرة وانحط البهارات " ملح فلفل اسود كمون"حسب الرغبة... وانخليه لمدة 5 الى 7دقايق لين ما يحمر اللحم اشوي... وعقب انشيله عن الغاز...


وانضيف له توميتوز وباجي الفلفل البارد وجبنة موزاريلا والشيدر حسب الرغبه والبيضة ونخلطهم وعقب انضيفهم فالقوالب الي لبسناهم بالتوست وانحطة فالفرن لمدة 10 دقايق تقريبا لين ما يسيح الجبن ويستوي لون التوست ذهبي ...




وهني وعافيه ^^

тsωα 3чôŋε 03-25-2010 05:05 PM

يمي يمي .. شكلهااا لذيذه ..~
تسلمين ع الطبخه والوصفه خيتووو ..~
وانشاءالله بنجربهاآ .. بس بشرط اول شي اطرشينها حقي .. ^^

عآشقهـ حبيبهآ 03-25-2010 09:26 PM

تسـلمـين ع الطريـقه , , , :)

كلباوي صعب ومالي حل 03-26-2010 02:06 AM

يسلمووووو خيتوو ...خلاص انا بدخل المطبخ وبسويها عيل دام جي ....هع
ثانكس....

~<[شــموعـ]>~ 03-26-2010 11:25 PM

يسلموا كل من شرفني بردوده

وهموسه افا عليج وانصح الكل يسويها لنها لذيذه وانا اول مره سويتها وكانت لذيذه مره ووااااااااااااو ع قولتهم

ورد جوري 03-27-2010 12:00 AM

خخخخ تسلمين شموع على الطريقه الحلوة
واعتقد هالمرة مافي اصابات ولا تكفيخ لنه الموضوع
مب مسرووق...هع
تقبلي مروري آلجوري

jorooh 03-27-2010 01:05 AM

تسلمين على الوصفة
طلعتي طباخه
خخخخخخ

~<[شــموعـ]>~ 03-27-2010 01:17 AM

لازم بنت العم


الساعة الآن +4: 08:00 PM.

Powered by vBulletin® Version 3.8.7
Copyright ©2000 - 2018, vBulletin Solutions, Inc.

vEhdaa 2.0 by NLP ©2009