منتدى عيون كلباء
اللهم رب الناس اذهب البأس اشفي والدي انت الشافي لا شفاء إلا شفاؤك شفاءا لا يغادر سقما
اللهم رب الناس اذهب البأس اشفي والدي انت الشافي لا شفاء إلا شفاؤك شفاءا لا يغادر سقما

عـودة للخلف   منتدى عيون كلباء > العيون الادبية > عيون القصص

الإهداءات


إضافة رد
 
أدوات الموضوع ابحث بهذا الموضوع طريقة العرض
رقم المشاركة : ( 1 )
Towfe غير متصل
صورة Towfe الرمزية
 
Towfe
عضو مبدع
الأوسمـة
بيانات الإتصال
آخر المواضيع
United Arab Emirates
أحبها
 
رقم العضوية : 40
تاريخ التسجيل : Jun 2009
الدولة : United Arab Emirates
العمر :
الجنس :  Female
مكان الإقامة : قلوب اللي آحبهم ..!*
عدد المشاركات : 1,714 [+]
آخر تواجد : 12-23-2010 [+]
عدد النقاط : 59
قوة الترشيح : Towfe will become famous soon enough
الافتراضي لاشفت منهو تحبه صد من دونك اقرا عليه الفاتحه وريح اعصابك

كُتب : [ 08-17-2009 - 11:08 PM ]

حبيت انزل هالقصه وانشالله تنال اعجابكم...^^


لا شفت منهو تحبه صد من دونك
إقرا علية الفاتحة وريح أعصابك




الصبح الريم واقفه وتتريا الباص....

الريم :اففففففف امحق باااااص...

ام حميد:اكييد الباص روح عنج...وانتي حضرتج منخمده..هيدي بدق على ام خليفه بسالها إذا خطف الباص على فاطمه...

الريم : امايه ليش ابويه خذ الدريول..يعني لازم يآخذه...شوهالحاله

ام حميد: بس عن الحشرة..ليش ما تنشين من وقتت شرى اختج..يعلني فداها شمامي...امرره تنش ع الوقت وتترقب الباص هب شراتج...يلا هيدي اللحين برجعلج....

الريم :امممممممم انشالله....( تمت الريم سرحانه وتفكر وفتحت كتاب الكيميا تذاكر لان اللحين يمتحنون امتحانات نهاية الفصل الاول....اشويه الا تسمع صوت قطووووه وعاد الريم تموت ع القطاااااااو......)......فربعت برع البيت اطالعها.....

الريم : ياااااااربي محلاتهااااااا...شكلها الا قطوووة بيووووت...لاومشعره بعد....(وتمت تلاعبها بعد اشوي سمعت صوت امها تباغم....).....

ام حميد:الريم ييييييييو الرييييييم ريمووووو وينج يالريم...

الريم :ياااااايه امايه يايه.......(ومآخذه القطوه معاها وشاقه الحلج..).......

ام حميد (معصبه..):اشووووها شو يايبه معااااج ودريها عنج يلا ودريها.

الريم :امايه حراااااام جوفي شحلاتهااااا مااريد اريد اربيهااااا امايه دخيلج هاي قطووة بيووووت..

ام حميد: ريمووو قلتلج ودريها هالقطاو بيبولج الامراض..رديها مكانها....يلا يدامي....

الريم :استريحي امايه خلاص انا بردهااااااا.....

ام حميد:يلا ابسرعا وام خليفه اتقول ان الباص خطف عليهم....واللحين لازم نترقب الدريووول لين ما يحدر..

الريم (انصدمت..):امايه شو تقوولين..الدريول رايح العيييييين من امس ابويه مطرشنه...لين مايحدر بيكون الامتحان بدا وانا رايحا فيها..

ام حميد: الدريووول راح العين..؟! ومتى..؟

الريم :مادري ابويه امس اتصل وخبرني عسب اخبرج...

ام حميد :خلاص انا بتصرف....

الريم : بروح اودي الكاااات...انا وبرجع..
الريم ثانويه عامة وآخر سنه..لها..عمرها 17 سنة.....كانوا فالعين بس انتقلوا للشارجة بسبب شغل ابوها وتجارته...

فهالوقت كان بطي واخوه الصغير سعيد يلفوون الفريج...
عسب سعيد مضيع قطوته...

سعيد(وهو يصيح):ابغيييييي قطووووتي بطوووووي ابغيهاااا دولهااا

بطي:صخ عيب بابا سعوووود الريايل مايصيحون اششش.....
سعيد:بنحثلهاااا صح بطوووي...<<<سعيد عمره 5 سنوات...

بطي(ابتسم وهز راسه بمعنى هيه...)

بطي شاب عمره 21 سنة يدرس طيران وحلمه انه يستوي طيار...ويمكن يكمل دراسسته برع فامريكا...إذا اطلب الامر....اليوم ماراح كلية الطيران عسبت اخوه سعيد...تم يصيح...ويدور قطوته كاتي....بطي ماعنده غير هالاخو فوايد مدلعنه ...واللي يبغيه يحصله دوووووم...واخت فالثانويه واسمها مريم

سعيد(يهز بطي..): ثووف هالبنت..شاله كاتييي..اهىء اهىء بتآخذها تعال انلوووح ...

بطي وسعيد راحو صوب الريم ...

بطي:السلام عليكم لو سمحتي اختي هالقطوة قطوة اخوي ممكن تعطينا اياها..

الريم (اتفشلت وعلى طول اتغشت والتفت صوبهم..)

الريم : وعليك السلام اخوي...السموحا اخوي ماكنت اقصد اني آخذها..

بطي(منزل راسه..):ماعلي ماصار شي....

الريم (باست سعيد ع خده وابتسمت له وخذ القطوووه....).......

الريم كانت بتروح بس سعيد زخها من ايدها...

سعيد: انتي تحبين الكاااااتي..

الريم (ابتسمت...):هيييييه امووت فالكاتييييييي..

سعيد:إذا تبين اتجوفين كاتي تعالي بيتنا ذين..

الريم :ذين..شسمك ياالحلو..؟

بطي(يطالعهم من بعيد ويسمع اللي يدور بينهم لكن من بعيد..)...

سعيد:انا ثعيد..

الريم : سعيييييد...يالله يامحلاة الاسم....فديت خشمك انا..(وتزخ خشمه...)..

سعيد:انتي ثو اثمج ما خبلتيني..

الريم :بعدين بخبرك..

سعيد:ذيييين...

ام حميد تقطع سوالفهم:ريمووووو وينج يغربل ابليسج تعالي شتسوين اهناك تعالي اهنه....وراج امتحااااااان...اللحين خالتج بتحدر عسب توصلج...

(بطي لما سمع صوت ام حميد حدر صوبها وسلم عليها والريم استغربت ان امها تعرف بطي....
(ام حميد ربيعت ام بطي ووايد مع بعض..ودوووم يتزاوروون...وبطي يعرفها...لان اغلب الايام تكون فبيتهم...)

بطي :اقول خالتي جان تبيني اوصلج مكان لا تستحين نحن فالخدمة يطولي بعمرج..

ام حميد:تسلم ياولد الغاليه..ماتقصر..بترقب اختي بتحدر وبتوصلها المدرسه..

بطي:والله تخلينها تستريح وانا بوصلكم...

ام حميد:ما نريد نتعبك وياااااانا توكل..ياولدي..

بطي: دقاااايق وبيب الموتر...وغلاتي عندج ياخالتي تركبين...لو تعديني ولدج...خليني اوصلكم...

ام حميد : خلاص امرنا لله...نترقبك

بطي(ابتسم):يلا دقايق لا شو دقايق ثواني....

راح بطي هو وسعيد لبيتهم...لان مب بعيد عن بيتكم الريم وياب الموتر...

بطي:يلا تفضلي خالتي حياج....

الريم (ركبت بدون نفس.....ووصلوا المدرسه...)........

الاخصائية مريم : ليش متآخره اليوم ..؟ يلا ابسرعا البنات كلهم دخلوا اللجان يلا اتحركي



برب ولي عودهـ .,~

ڷڛت آڷآفضڷ ڷڪڼ ..!! ڷي آڛڷۈۈبي
*
الرد باقتباس
Towfe غير متصل
 رقم المشاركة : ( 2 )
Towfe
عضو مبدع
رقم العضوية : 40
تاريخ التسجيل : Jun 2009
الدولة : United Arab Emirates
العمر :
الجنس :  Female
مكان الإقامة : قلوب اللي آحبهم ..!*
عدد المشاركات : 1,714 [+]
آخر تواجد : 12-23-2010 [+]
عدد النقاط : 59
قوة الترشيح : Towfe will become famous soon enough
الأوسمـة
بيانات الإتصال
آخر المواضيع
United Arab Emirates
الافتراضي

كُتب : [ 08-17-2009 - 11:13 PM ]

الريم (سوتلها طاف وربعت صوب الصف ابسرعا وكانت ابلة مها تشرف ع لجنتهم......فالريم يوم جافتها ويمت..)..

ابلة مها (اطالع الساعه..):اييييه يابت يالريم متأخره لييه يلا ابسرعا ياماما اجلسي مكانك..حيبدا الامتحان...

الريم :انشالله انشالله...

كان امتحان كيميا وساعتين وطلعوا البنات.....ومر الامتحان على خير..

صوب المقصف ...

مهره :ريموووو ليش اليوم متأخره ها..

الريم : مادري كنت ميهوووده وفيني ارقاااااد ومااريد اقوم...

مهره:انتي ما تشبعين من الرقاد..

الريم :مادري من حدرت الشارجه وانا كل اريد انخمد...واللحين بعد فيني ارقاد (وتثاوب..)..

مهره (تضحك..):شو قصدج..ها..

الريم :قصدي فديت الشارجه وفديت اهلها محد يسواهم....

مهره :هيه جي وفديت هل العين وفديت اهلها بعد محد يسواهم..

الريم (نقعت ضحك...على خبال مهره ............).........

مهره : شفييييها امووووون....؟؟!!

الريم :اممممم مادري..تعالي انروح صوبها..

مهره :يلا..

امنه (سرحانه وتفكر......وجنها الا فعالم ثاني....)......

مهره (تزيغها..):بووووووووووووو...

امنه (تروعت..):اففففففففففففف سخيفه وحده قووومي..

مهره :وحده ولا ثنتين..

امنه (تضحك بدون نفس..):انتي السخافه تمشي فعروقج...

الريم :بس صخن...

مهره :لازم نون النسوووووه..يعني..

الريم : جب المهم امووووني حبيبتي شفيج..؟!حد مضايقنج بشي...

امنه (ابتسمت اطمنها..):مافيني شي فديتج...بس راسي يعورني اشوي..

مهره : اشمعنى هي جي ترمسينها وانا ترمسيني بدون نفس....

امنه(تقوم من مكانها..):افففف محد يلحقني ابى ايلس بروحي...

الريم : كله منج مهرررو طفرتي البنيه امرره ماتخليني حد يرمس...

مهره: بلا امررره بلا خربطان..امشي خله انروح عند فطوووووم..

الريم :شو تعلقين ع رمستي...ها ما علي......قومي عني..

مهره :تعالي والله ما علقت..فديتج والله رمستج تعيبني اصلا...(وابتسمت..)

الريم :المهم ما علينا اقولج وينهم التوآمتين..؟!ماريتهم اليوم..

مهره (اتقلدها..):هيه صح انا بعد ماريتهم اليوم....مختفيات شهد وسمر..

الريم :يمكن ردوا البيت بسياره..

مهره :يمكن.....اقولج هاي مب اختج شموووه اللي هناك لابسه مال الاعداديه.....

الريم :هيييه هي شو يايبنها اهنه..

مهره : اكيد يايه تآخذج للبيت ..

شما :خشششمج مهيره خشمج.....

مهره وشما تخاشموا.....وراحت شما تتخاشم مع اختها...بعد..

مهره:فديتجج وفديت خشمج انا هههههه..

شما:لالالالا استحي...(وتخش ويها بايدها...اونها مستحيه..خخ).....

الريم :مالت عليييييج اونج مستحيه...شو يايبنج..

شما :الدريول مر علي وقلت بخطف عليج....بآخذج البيت احمدي ربج..

الريم : مااريد ارد البيت بيلس ويا ربيعاتي..

شما:صدق ما تخيلين انا اللي ماعندي سالفه قلت بخطف عليج..قلت وحليلها اختي خاست بالحر والباصات بيبطن يلا يلا ببااااي...

مهره : انتيييي ايييييه حرام عليج سيري معااها..

الريم :ما اريييييييييييد تعاليي توني جفت شهد وسمر

شهد :الله حيييييييييييييه توه ما نورت البقعا...

الريم:وافديت هالمنطوووق...انا شهود انتوا عندكم اهل من العين...

سمر:لالالا

شهد :امبلا عندنا....

الريم :احلفييييييي امنوا..

شهد : عيال عمي اهناك...

الريم :اهااااااا....

شهد : يلا نحن بنروح البيت سي يو...

سمر:وييين شهوودوو تعالي...

شهد :البيت بعد وين...عمي قال بيخطف علينا الساعه 12 واللحين 12

سمر:مابي اروح ابى اتم مع قوم مهره وريم....وفطومم بعد بتي...

شهد:انقعي انا ابى ارقد لاحقه ع السوالف يهالراس...

الريم :انتوا توآئم ع الفاضي الصراحا ما تشابهون بشي الا بالشكل تقريبا..

شهد : انا وين وهاي ويييين.....

سمر:صدقج والله انتي وين وانا وييييين......فديتني اانا رقيقه وبعض الناس منبع الدفاشه...

شهد :بنتفاهم فالبيت.....

سمر: ماعلينا خله انروح...نقعنا عمي برع...شرايج مهرووو تعالي معانا اتعرفي على عمي يمكن ينعجب فيج وبنيوزج اياه هههههههههههه...

مهره :خخخخ ضحكتيني....يلا انفدي..

الريم وشهد وسمر(تموا ناقعين ضحك......اشوي الا تي فطوووم..)

فاطمه :هااااااااااا ليش تضحكون ضحكوني معاكم....

شهد : لا تخبرووونها خله تحترق..مب لازم تعرف يلا باي...نجوفكم باجر انشالله...

سمر:هييييه ماوصيكم ذاكرو مو تقولون آخر امتحان وما بنذاكر...شدوا حيلكم..خخ..وريمو عن التأخير...فاهما..

الريم :انشالله عمتي امررره لاتحاتين...

سمر:هييييه هو ها امرررررره هههههههه.....

شهد :سمررووو والله بدفنج امشي يدامي الله بلاني فييييج...

مهره :حرااام..علييييييج...

شهد: لاحلال يلا نروح....

سمر:باي بنوتااااااااااااااااااااا اات.........

الكل :بااااااااااااااااااااااا .............

وتموا يسولفون لين الباص ما يا...

نزلت فاطمه مع الريم من الباص.....

فاطمه:يلا ريمووووتي انا بروح البيت ..

الريم :تعالي اتغدي معانا انزين ...

فاطمه:مره ثانيه انشالله جوفي محمد يطالعني حشى...

الريم :هب هذا اللي ما يحب البنات...ويكرهم كره العمى..وفباله ان كل البنات خونا...صح..

فاطمه :هيييه هو هااااا..يلا انا مروحا ...جوفي كيفي يطالعج جنه الا بيذبحج ههه..

الريم (ضححت وراحت بيتهم..).....

فاطمه لما وصلت البيت.....

فاطمه :السلام عليكم..هلا محمد..

محمد (بدون نفس):اهلين منو هاي اللي كنتي ترمسينها..

فاطمه: من متى وهم ساكنين عدالنا ما تعرفهم يعني...وامايه وابويه يعرفونهم وانزورهم بعد

محمد :اعصابج انزين...مب هايلي اللي انتقلو من العين..

فاطمه :هيه هم في شي بعد..

محمد :لا ولاشي انجلعي...

فاطمه :انجلع انزين..(وتمت تتحرطم بصوت ماينسمع..)....

(محمد عمره 26 سنة ما يحب البنات ويكرهم لان قبل اتعرف على وحده وخانته.وكان يموت فيها ولما كان يبى يخطبها طرشتله مسج انها ملجت خلاص..فاستوتله عقده من البنات....لدرجه ان كره حتى اخته..تقريبا...)......

فاطمه 17 سنه كبر الريم وآخر سنة ثانويه عامه...وعندها اخو اسمه محمد 26 سنة واخو اسمه خليفه 22وهي البنت الوحيده من بين ولدين...

خليفه وايد يحب اخته فطوووم ويعزها ووودوم يسولف معاها ويثق فيها وايد...ويخبرها بأغلب اسراره.....حتى اليوم قرر ان يخبرها بسر ماكانت تتوقعه فاطمه.........لما وصل خليفه البيت.....

خليفه : اووووه البزايه شحالج..؟

فاطمه :بخير شحالك خلفلف..

خليفه : يغربل ابليسج خربتي اسمي...

فاطمه:مادري ليش احس انك تبى تخبرني بشي...!!

خليفه :حشى مب احساس عليج.....شو رايج نطلع...

فاطمه :امممممم وشو المناسبه ..

خليفه : احمدي ربج اني بطلعج يهالراس...

فاطمه:انزين خلاص آسفه والله فديت اخوي اللي بيطلعني..

خليفه :عيل يلا اتلبسي...(محمد طاااااف وسمع آخر كلمه....وعرف انهم بيطلعون.....)

محمد:وين بتروحون ها..؟

خليفه :بنطلع انا واختي فيها شي...

محمد :ماشي شغل تآخذها وياك...

خليفه :إذا انته تبريت من اختك بليا سبب فأنا لا ....عسب وحده ما تسوى سويت كل ها...لاحرمه ولابيت ولا عيال شو هالعيشة اللي انته عايشنها...اخوك اصغر عنك قريب بيعرس...وانته بعدك مادري شو تتريا...خلاص تزوجت واللحين تعيش مع ريلها ومستانسه وانته اهنه زعلان وكله مضايج وشايل كل هموم الدنيا على راسك...وحتى اختك ما تعاملها زين.....محمد انته لازم اتراجع عمرك...

فاطمه صاخه ومنزله راسها..

محمد( اتلوم..بس بعد مااهتم..).. :خلصت رمستك..مشكور وماتقصر..انا اترخص مع السلامه وسلموا على الوالده...والوالد...انا مسافر كم يوم...

فاطمه اطالع اخوها...

خليفه : مادري متى بيعقل هاالاخو اكبر عني وهذي سواته اونه قدوتنا بعد

فاطمه :ماعلينا اونك بتعرس...

خليفه :هي اتصدقين كل ربعي عرسوا وانا بعدني....بس سالفتي انا صعبه شويه..

فاطمه:كيف يعني..؟!

خليفه : مادري والله انا محتار فأمر هالبنت..

فاطمه : ليكون متعرف على وحده..
خليفه (هز راسه بمعنى هيه ..)..:اسمعي اتلبسي وتعالي الموتر بخبرج السالفه..

فاطمه :اوكيك..ماي برذر ثواني..

دقايق الا فطووووم راكبه السياره.....

فاطمه :انزين يلا شسالفه.......

خليفه : امممم كيف ابدا..المهم انا متعرف على بنت واكلمها من سنة تقريبا..وجفتهم كذا مره بس قبل..وهي بعدها تدرس وقدج...17 سنة

فاطمه (استغربت):لحظه لحظه من سنة وانا مادري عنها..افا يالخوي..

خليفه :بعدين عاتبيني...هالبنت ساكنة فراك..وسمعت الناس ومن ربعي انها مب زين وانها كانت بوويه ومازالت..بعد...فمادري إذا هالكلام صح ولالا..ابى اعرف هي اتمثل يدامي..انها بنت وتبغي تسلى ولا شسالفته...بالضبط ...

فاطمه :خيييييييييبه...لحظه خلني استوعب..امممممم واللحين شو المطلوب..

خليفه : بنروح بيتهم فراك وبنزلج عندها وابغيج اتقصين عليها واتقوليلها انج ربيعتها فصف اول وثاني بس اونها نستج وجي....لان شمسوه..وايد تنسى..

فاطمه :ها اسمها شمسه..شمسه ولاقمره ههههههههههههههههههه

خليفه : بعدين علقي فهمتي...شو بتسوين..

فاطمه:انته لازم تورطنا...يعني..المهم والمقابل..

خليفه : سوق باسكن مول مطعم هاللي تبينه انتي..

فاطمه :لالالالا ابى اسافر لباريس..

خليفه :مايسووووى..حشى انتي صدق مذله.....خلاص بفكر بالسفره ولا يهمج...

فاطمه (تبتسم):يلا إلى راااااك والعالم وراااااااااااااااااااك...... ......

لما وصلوا راك.........

خليفه :جوووووفي اهناك بيتهم انا بوقف اهنه عسب محد يجووفني اوكي..

فاطمه :اوكيك خللفلف..

راحت فاطمه ودقت الجرس وطلع...

هزاع (كان طالع ومنتبه لموبايله ومو معبر اللي يدامه..):خييييييير..شو بغيتوا..

فاطمه :اممممم السلام عليكم اخوي موجوده شمسه..

هزاع (رفع راسه وانتبه وتم يدقق فملامحها..):خير..

فاطمه : ابغي شمسسسسسسه...ها مو بيت شمسه..

هزاع :هيه بيت شمسه اتفضلي...

ودشت فطوووم داخل...وهزاع راح صوب شمسه...

شمسه نازل من الطابق الثاني...

هزاع (معصب..لانها لابسه بنطلون وقميص وشعرها قصت زياده شرى الاولاد وفخخاطره يقول"حتى شعري اطول عن شعرها...يغربلها من بنت.."

هزاع:انتيييييي شو ماتسمعين الرمسه كم مره قايلج ما تلبسين هالثياب سيري بدلي ابسرعا..وشعرج ليش قاصتنه..استحي على ويهج حتى شعري اطول عن شعرج...جان خليتي ع الزيروووو وارتحتي بعد.....

شمسه:والله انا فكرت احلق ع الزيرووو..بس قلت يمكن ما يطلع حلووو تيكت ايزي ياخييييييي..

هزاع (اتنرفز وزخها من ايدها..):انتيييي مول ما تتأدبييين متى بتصطلبين وبتغدين حرمه....شو اللي خلاج تستوين جي....

شمسه : لا ام لا اخت لا بنات عم ولابنات خاله...واخو يطلع ويدخل وهو محرج ويضارب.....شو تبغيني اسوي…اسلي نفسي..

هزاع : وباعتقادج هذا هو الحل..

شمسه:مادري بس انا ارتاح جيييي ودرني مالك خص فيني...انت مو مسؤؤل عني دام ابويه يشم الهوا..

(ابو هزاع دخل وجاف هزاع زاخ شمسه وسمع صريخهم وهو برع..)..

ابو هزاع :هزاع شفيك على اختك ودرها انا كم مره قايلك مالك خص فاختك..

هزاع :ابووويه كم بنسكت عنها ...كل اتقول خلها ياهزاع..مالك خص فيها ياهزاع..انا اجوف الغلط بعيني وتباني اسكت...لين متى..ماعلي ابويه انا بسكت ومن اليوم وساير انا مالي خص فبنتك لاهي اختي ولا ااعرفها...متبري منها......

كان بيروح عقب رد وقال:
اقووول ربيعتج فالميلس.....

شمسه (باست ابوها على راسها....)...

شمسه:ابويه ماعليك منه..ها دووومه جي ماعنده شغل غير يضارب..انا بروح صوب الميالس..

ابو هزاع (يمسح على شعرها..):يابنيتي ما بي أي حد يرمس عنج....لاتسوين شي ينزل راس ابوووج.....فهمتيني..

شمسه (ما اهتمت..):انشالله انشالله ...(وروحت صوب فاطمه..)....

فاطمه :هلالالا والله شمووووسه شحالج فديتج انا والله اشتقتلج...>>الله ع التمثيل..

شمسه ((مستغربه..):امممم اهليييييين بخير دامج بخير امنو الحلوه ما عرفناها..

فاطمه :انا فطوووم افا شمسوووه ماعرفتيني..

شمسه :أي فطووووم بعد ما اذكر اان كان عندي ربيعه اسمها فاطمه ...

فاطمه: يمكن نسيتيني بس انا اذكرج

شمسه:موووووو مشكله نتعرف يالحلو

فاطمه (ابتسمت وتمت تقول فخاطرها..وحليلك ياخوي انته ما طحت الا على هاييي..الله يعينك...طلعت اتقص علييييك...وييييييع شو هالشعر بس يغربل ابليسها حلووووه ليش مسويه بعمرها جيييي حرام والله ولا طالعوا اللبس امحق لبس والله..لو قالوا بيعطوني مليوووون ما بلبس شراته كيف مقطع جن مطلعينه من حلج بقره....)...

شمسه :شفييييييج وين رحتي هاااااا...؟؟

فاطمه :لالا معاااااااج....اتصدقين انا يت من الشارجه بس عسبت اجوفجج..

شمسه :اها زين ذكرتينا انتي انتقلت من راك صح..

فاطمه :اممممممم هيه هيه..يمكن قبل 3 سنوات او 4..

شمسه :اها زيييين تشربين شي...

فاطمه :لا مستعيله ورانا درب بروح..بس بغيت اسلم عليج..واجوفج..

ڷڛت آڷآفضڷ ڷڪڼ ..!! ڷي آڛڷۈۈبي
*
الرد باقتباس
أحبها
Towfe غير متصل
 رقم المشاركة : ( 3 )
Towfe
عضو مبدع
رقم العضوية : 40
تاريخ التسجيل : Jun 2009
الدولة : United Arab Emirates
العمر :
الجنس :  Female
مكان الإقامة : قلوب اللي آحبهم ..!*
عدد المشاركات : 1,714 [+]
آخر تواجد : 12-23-2010 [+]
عدد النقاط : 59
قوة الترشيح : Towfe will become famous soon enough
الأوسمـة
بيانات الإتصال
آخر المواضيع
United Arab Emirates
الافتراضي

كُتب : [ 08-17-2009 - 11:14 PM ]

آآآآممم يالله وينكم عالاقل ردوو شوي { جآآملو }

ڷڛت آڷآفضڷ ڷڪڼ ..!! ڷي آڛڷۈۈبي
*
الرد باقتباس
أحبها
тsωα 3чôŋε غير متصل
 رقم المشاركة : ( 4 )
тsωα 3чôŋε
مشرفۃ عيون msn والبلاك بيري
رقم العضوية : 94
تاريخ التسجيل : Jul 2009
الدولة : United Arab Emirates
العمر : 23
الجنس :  Female
مكان الإقامة : خــور جلــبآ ..~
عدد المشاركات : 6,572 [+]
آخر تواجد : 03-28-2013 [+]
عدد النقاط : 42
قوة الترشيح : тsωα 3чôŋε is on a distinguished road
الأوسمـة
بيانات الإتصال
آخر المواضيع
United Arab Emirates
الافتراضي

كُتب : [ 08-17-2009 - 11:32 PM ]

تسلمين ع الطرح خيتووو ولا هانج الرب ...

الرد باقتباس
مضايجة
Towfe غير متصل
 رقم المشاركة : ( 5 )
Towfe
عضو مبدع
رقم العضوية : 40
تاريخ التسجيل : Jun 2009
الدولة : United Arab Emirates
العمر :
الجنس :  Female
مكان الإقامة : قلوب اللي آحبهم ..!*
عدد المشاركات : 1,714 [+]
آخر تواجد : 12-23-2010 [+]
عدد النقاط : 59
قوة الترشيح : Towfe will become famous soon enough
الأوسمـة
بيانات الإتصال
آخر المواضيع
United Arab Emirates
الافتراضي

كُتب : [ 08-17-2009 - 11:37 PM ]

تسلمين هموووسه ع المرور و ربي لا هاننج .,

ڷڛت آڷآفضڷ ڷڪڼ ..!! ڷي آڛڷۈۈبي
*
الرد باقتباس
أحبها
Towfe غير متصل
 رقم المشاركة : ( 6 )
Towfe
عضو مبدع
رقم العضوية : 40
تاريخ التسجيل : Jun 2009
الدولة : United Arab Emirates
العمر :
الجنس :  Female
مكان الإقامة : قلوب اللي آحبهم ..!*
عدد المشاركات : 1,714 [+]
آخر تواجد : 12-23-2010 [+]
عدد النقاط : 59
قوة الترشيح : Towfe will become famous soon enough
الأوسمـة
بيانات الإتصال
آخر المواضيع
United Arab Emirates
الافتراضي

كُتب : [ 08-17-2009 - 11:37 PM ]

شمسه :الله حيييييييه أي وقت تبين تعالي لاتستحين شو رايج اتيييين حجرتي...

فاطمه (تروعت..):لالالالا بروح...وقت ثاني انشالله..

شمسه :انزين ما خذت رقمج ...

فاطمه : عقب كم تيام بطلع رقم يديد عطيني انتي رقمج وعقب بحفظه انا...اوكي

شمسه :اوكي فديتج دقايق..(وتيب ورقة وقلم وتكتب وصلتها للباب..)

شمسه:يالحلو لاتقطعناا وانا بزورج بعد انشالله..عقب دليني بيتكم ...
فاطمه :انشالله خير...يلا باي..

شمسه :باي بيبي باي...

فاطمه (وهي مروحا..):فعينج..

ردت السياره وتمت فطوووم تتحرطم...ع خليفه وتمت تقول ان شمسه تقص عليه واكبر خريطة ويمبان انها وحده خايسه والخ......

خليفه :احلفي انها جييي..انا خليفه ولد راشد تقص علي شمسوووه تقص علي..

فاطمه :لا مب شمسوووووه شامس شامس...

خليفه :شامس..؟!

فاطمه :هيه اتقولي اانا فالمدرسه كل يسموني شامس..واونه اتقول كلهم يموتون فيني..ويتريون نظره مني....واتقول..

قاطعها صوت خليفه..خليفه صدق اتنرفز وعصب فصارخ مره وحده:فطوووم انجبي...

فاطمه (اتروعت...فصخت...وخليفة تم يسرع وهي مول ما تحب السرعه فبدت ادمع..وخايفا...خليفه نسى انها تخاف من السرعه.....)....

فاطمه :خلوف لاتسرع...دخيلك..

خليفه (فعالم ثاني...)....ومطنش...

فاطمه :خليفه خليفه خلووووووف...

خلييفه(بعده مو حاس بفاطمه وطااااااف......وهو يزيد..)وهي بدت تصيح..)

فاطمه(صرخت من خاطرها..):خليفه لاتسرع و الله بعق عمري برع...

خليفه (توه انتبه..):ااوووووووه اسمحيلي والله..فطووم ماكنت اقصد.....كنت افكر بشي..

فاطمه :مابركب معاك مره ثانيه..

خليفه : آسفين عاد فطوووم خلاص تزعلين من خلفلف..

فاطمه(ابتسمت):مشكلتي اني ما اروم...ازعل منك

خليفه : اقووول يالدلاعه..تبين باريس ولا امريكا..

فاطمه:لا باريس..........

خليفه :خلاص انشالله فالصيف بنسفرج

فاطمة :جي شو جايفني بشكاره وبتنكسل ويزتها وبتسفرها..

خليفه :خخخخخ الله يقطع سوالفج.. لحظه انتي عليج امتحان وطالعا بعد

فاطمه:عادي مذاكره قبل...
باجرعلينا انجليزي وانا ما اذاكر انجليزي لان مافي شي تعرف ثقافتي احم انجليزي

خليفه :مانروملج ههههه........

وكملوا دربهم بسوالف وضحك...

آخر يوم من امتحانات الفصل الاول.......

شهد : حشى ما بغينا نخلص من هالامتحانات والله كرفووونا....

سمر:الحمدالله افتكينا وناااسه ما اصدق ان الاجازه بدت...

امنه : اقولكم انا عازمتنكم على مطعم شرايكم ...

شهد :شو الطاري...مو من عوايدج...

امنه :مادري جي نغير جوووو..انا وانتي وسمررو والريم ومهروو وفطيم..ها شو قلتوا..

شهد :مادري والله بسال الحكومه..

امنه (ضحكت..):اوكي ردولي خبر

شهد :تم الساااااااااع...

سمر: احس وناسه بيكون انا بقنع امايه وابويه..

امنه :انزين اييييبو غلا معاكم

شهد :لالالالا ما بنيبها ولا شيات صدعة راس..

سمر:هيه والله بتخرب الطلعا علينا...

فاطمه (توه يايه صوبهم):ها فمنو تحشووون..

شهد :فيج اتصدقين عاد..

فاطمه : انتي شو الدفاشه تمشي بعروقج ..

شهد: انقعي انتوا الرمسه معاكم ضايعا انا مروحا

امنه :وييييين تعالي..؟؟!!

شهد : برووح اضارب وحده رمست عني..

سمر :اشووووووو تعالي شهووووده..كنت اقص علييييييج تعالي

شهد:انجبي لاتلحقيني...انثبري فمكانج..

سمر:شهووووووود

فاطمه :اووووي بلاها شهووووده...؟ شكلها ناويه ع ضرابه...

امنه: آخر يوم تبى اتطلع حرتها الحبيبه...

والكل ضحك...بعد خمس دقايق يت الريم تربع صوبهم..

الريم (وهي تناهي..): الحقن..شهوود فالاداره..

والكل :شوووووووووووو...

الريم : اتضاربت ويا عويش...

والكل ربع صوب الاداره..

مهره :شكلها الضرابه قوووويه..

سمر:ليكون اختي تعورت...

الريم :هييه اظن..

مهره :هيه على يبهتها اظن..

سمر:اففف انتوا الثنتين مامنكم فايده الا اظن واظن بدخل عندهم...

واشوي الا شهوووود...طلعت ومعصبه..

شهد:سمروووووه يلا انروح البيت.....

سمر:شو مستوي..

شهد:ولاشي يلا البيت...

الريم:اففففف انزين فهمينا شسالفه..

شهد : هالشي مايعنيكم يلا مع السلامه.....

الريم (عصبت وراحت...)...وخلص اليوم الدراسي...وانتهت امتحانات الفصل الاول....

الريم ادق ع امووون...

الريم :هاااا اموون متى بتطلعون...

امنه :بعد اشوي....انشالله

الريم :انزين امنو بي من الشله..واي مطعم

امنه :سموور وانتي ومهرو وانا وفطيم..وبس..وفمطعم قوس قزح اللي صوب الميغامول...

الريم :اها يعني الكل ...يلا سي يو...باي

امنه : بايات....

بعد ساعه كل الشلة فالمطعم اقنعوا اهلهم ووافقوا بعد معاناة.....

فاطمه:اففففف والله كنت زايغاااااا ما كنت بي المطعم..

امنه :ليششش..؟؟

فاطمه :هاااا محمد كان فالبيت وانتي اتعرفين كيف هو مايحتاي..

الريم :هييه ها اللي ما يحشم...حد...

الكل ضحك....

شهد : ياخي يوعانه يلا قووموا انحطلنا من البوفيه...يلا..

سمر:فديت توأمي يوعانه فديت روحج يلا اختي يوعانه قووموا ابسرعا..

شهد : اونج عاااااااد....خخ

امنه :صدق مجاعه...

مهره : حشى تونا واصلين على طووول..تبون تزطووون..

الريم : بالعافيه عليهن انا بعد يوعانه..الصراحا

مهره:يلا عيل....

الكل طلع وراح صوب البوفيه....

الريم :اريد بشميل اهىء ماشي...

مهره :فضحتينا...يغربل ابليسج....فطوووم خلصته هههه

الريم :بروح صوبها وبضاربها..

امنه : انتواااا ايه شفيكم..حمدالله والشكر..

الريم :ماشي...

وكل وحده اتحطلها شي....وردوا مكانهم الا الريم ومهره بعدهم يحوسون...
اشويه الا واحد من الشباب يدوس على عباية مهره..عاد مهره مااداني حد يدوس عبايتها ....تنقهرررر...لا وعبايتها يديده...

مهره :افف افففف شووو ما اجوف...انته..

احمد :اوووه اسمحيلي اختي ما كنت اقصد...

مهره : يغربل ابليسك..والله تقهر حاسب مره ثانيه...

احمد :حشى ماصارت استسمحنا منج خلاص...بنحاسب مره ثانيه اعصابج...

مهره : انفد من يدامي...

اشويه الا بطي اللي هو اخو سعيد الصغير اييييي صوب ربيعه احمد وما انتبه ع الريم ولا الريم انتبهتله...

بطي :شو مستوي..

احمد : مادري هاي شسالفتها...استسمحنا منها..وبعدها اطول لسانها...

بطي: خلاص احمد خلها عنك ياهل شتبغي فيها.....

مهره :نعم نعم نعم ماسمعت شو قلت ...

الريم (اانتبهت انه بطي..فتمت اطالعه..فاتفشلت وزخت مهره...وراحوا..)....

بطي :امش ياريال..

احمد : انا اتعاملني جي...ماعلي..دواها عقب...

بطي: عن هالحركات مالك خص فيها....انا بدق ع العيوز وبردلك...اترقبني..ترتوب..

احمد : ترتوب..

احمد كان ناوي على شر.....

امنه: مهرووو ليش اتاخرتوا..

مهره :ولاشي لاتسالين..

الريم (ناقعا ضحك.)

فاطمه :شفيج ريمووو خبريني اكيد استوا شي..ها شو..

مهره (صرخت مره وحده):قلنالكم ما استوى شي خلاص...ابلعوا...وانتوا ساكتين..

شهد : اعصابج طويلة العمر..

مهره :شهووود خلاص عاد...

شهد :بنسكت عن تصيحين بس...

مهره :الحمدالله شبعت ريموووو بتين بغسل ايدي..

الريم :ماشبعت انا انزين..

مهره :افففف كيفج..بروح ابروحي...

فاطمه :اانا بي معاج...

وهم ماشين...احمد لمحهمم فاترياهم لين ما يطلعون من الحمام عقب اتعمد ان يدوس عباتها...بس هو ما داس ع عباة مهره.....داس ع عباة فاطمه...
وكانت اشويه واطيح بس مهره زختها والتفت لورا...

مهره : انته شفيك علينا...لو سمحت عن هالحركات...البايخا...

احمد : السموحا ما كنت اقصد ...

فاطمه :أنته شكلك متعمد..

احمد (بقواة عين..):هيه الشيخه متعمد...بس كنت ناوي ع ام لسانين مب عليج انتي.....ومره ثانيه لا تعاملين الناس بهالاسلوب إذا غيري سكت فاحمد بن معضد ما بيسكت....فاهما يلا...مع السلامه...

مهره (انقهررررت وراحت صوب الشله....).....

مهره :انا مروحا يلا باي...

امنه :ويييييييييين ..؟؟! شو مستوي..؟
شهد : انتي اييه مهرووو حد قالج شي..

مهره (دقت ع ابوها عسب يآخذها وراحت....).......وكل الشله دقوا على اهاليهم وخذوهم.........

احمد (رد صوب طاولتهم فالمطعم...وهو يضحك..).

بطي :وينك ياريال كنت ادور عليك...

احمد :بطوووووووي فاتك فاتك..

بطي:شو اللي فاتني وليش جي تضحك..ضحكني معاك ...

احمد (يخبره باللي صار وبطي مبطل عينه....لان الريم تعرفه..وشو بتقول عنه..بتقول اكيد ها شراته شراني ويحب الضرايب وبتخبر امها...انا اللي بتفشل...)...

بطي :سودا الله ويهك ...صدق انك ما تستحي...يا احمدوه والله وطحت من عيني...

احمد :خيبه ليش..؟

بطي : وحده منهم من معارفنا..

احمد :احلف..اي وحده فيهم ...

بطي :هاي ام الشيله الورديه ...

احمد(نقع ضحك..):وشو يعني انا اتعرفني ما احب حد يغلط علي وانته هالكثر تحاتيها يعني...وبعدين ليش ظاهرات بدون ريال...ليش ما احتشرت عليها دامك تعرفها..

بطي : افففف مو متفيجلك يلا انا مروح....مع السلامه..

احمد :بطووي تعال وين ...

بطي (راح واحمد يلحقه.............وفالموتر..).......

بطي : احمدوووه شو هالحركات اللحين شو بتقول عنا...

احمد :انته وايد مهتم ليكون..كح كح..

بطي :لالالا مب اللي فبالك...بعدين هاي ياهل...هي وين وانا وين..

احمد : عادي...ايقووولك...

بطي (يقاطعه..):دخيلك صخ..لا تتفلسف....كفايه اللي سويته اليوم ..

احمد :اللي يقول هاي اول مره..

بطي : هالمره غير...انته ما تفهم...صخ عني...

احمد (صخ وبعد اشوي..وهم فالدرب...رمس..)..

احمد :اااااممممم بطوي اتعرف بشو افكر..

بطي : همممممم بشو..؟!

احمد : افكر فام لسانين...اللي جفناها فالمطعم....

بطي (ضحك..): اوووب شسالفه ..؟؟!

احمد :مادري و الله...احس بتانيب الضمير خخخ..

بطي : همممممم انزين وبعدين...

احمد : مادري ابى اعتذر منها...

بطي : احمد انته تعتذر...لالا اكيد انته مصخن ...انا مو مصدق..هههه..صخ ياريال..

احمد : انته محد يخبرك بشي..كل تطنز..

بطي : ليكون بس حبيتها..

احمد :ماعندي سالفه احب ام لسانين...(وكلهم صخوا....)..

(بطي حس ان احمد انعجب بمهره...وبغا يتأكد أكثر...فتم ينغز فيه ويلعوزه فقال له:اقوووول احمدوووووو تصدق انا حبيتها..

احمد (قام مره وحده..):اشوووووو وامنوا هاي اللي حبيتها..

بطي : هاي ام لسانين يعلني فداها....

احمد (يعرف حركات بطي...فتم يضحك...)......

احمد : انزين وانا اشلي....حبها...(وصد برع..)..

بطي(ابتسم..): يعني لو خطبتها...ما بتزعل..

احمد :لالا لاتحاتي ما بزعل بس مسرع ما حبيتها...تونا الا جايفينها..عالاقل قووول انعجبت فيها...خخ

بطي :هاللي كنت ابى اوصله....يلا انزل ..

احمد :وين..؟!

بطي:شو اجوف يدامك يعني تستهبل..هه..

احمد :اوووو بيتنا متى وصلنا...

بطي: انته تفكر وسرحان...لازم ما بتنتبه..كح كح..

احمد (يضحك):يغربل ابليسك...يلا سلم سلم مع السلامه..

بطي:واصل..وانته بعد سلم ما وصيك مع السلامه....

بطي وهو راد البيت جاف وحده واقفه برع بيت ابو حميد اللي هو بيت الريم ....فحس انها الريم ...فمشى بالموتر اشوي اشوي..

بطي (تم يطالع...الريم لما لمحت الموتر ربعت داخل...)

بطي :شفيها هاي..شو تسوي بهالوقت...(ويطالع ساعته..)
خيبه اللحين الساعه 12 غريبه...شعندها..؟!!.....

ڷڛت آڷآفضڷ ڷڪڼ ..!! ڷي آڛڷۈۈبي
*
الرد باقتباس
أحبها
Towfe غير متصل
 رقم المشاركة : ( 7 )
Towfe
عضو مبدع
رقم العضوية : 40
تاريخ التسجيل : Jun 2009
الدولة : United Arab Emirates
العمر :
الجنس :  Female
مكان الإقامة : قلوب اللي آحبهم ..!*
عدد المشاركات : 1,714 [+]
آخر تواجد : 12-23-2010 [+]
عدد النقاط : 59
قوة الترشيح : Towfe will become famous soon enough
الأوسمـة
بيانات الإتصال
آخر المواضيع
United Arab Emirates
الافتراضي

كُتب : [ 08-17-2009 - 11:39 PM ]

ولي عودهـ مع البارت الثآأني بس آل شي ردوودكم ؟.,

ڷڛت آڷآفضڷ ڷڪڼ ..!! ڷي آڛڷۈۈبي
*
الرد باقتباس
أحبها
בּـلآﭠـيَ بـعـטּـآديَ غير متصل
 رقم المشاركة : ( 8 )
בּـلآﭠـيَ بـعـטּـآديَ
عضو VIP
رقم العضوية : 100
تاريخ التسجيل : Jul 2009
الدولة : United Arab Emirates
العمر : 26
الجنس :  Female
مكان الإقامة : جلبـِآإ .. ’*
عدد المشاركات : 4,382 [+]
آخر تواجد : 12-07-2011 [+]
عدد النقاط : 36
قوة الترشيح : בּـلآﭠـيَ بـعـטּـآديَ is on a distinguished road
الأوسمـة
بيانات الإتصال
آخر المواضيع
United Arab Emirates
الافتراضي

كُتب : [ 08-17-2009 - 11:57 PM ]

آنآ قآرتنهآ كآملهـ فمنتدى ثآآني ..~ْ

يعطيــج آلعـآفيــهـ آلغلآآ ,,

مآقصرتي ..!

الرد باقتباس
شيختكم
Towfe غير متصل
 رقم المشاركة : ( 9 )
Towfe
عضو مبدع
رقم العضوية : 40
تاريخ التسجيل : Jun 2009
الدولة : United Arab Emirates
العمر :
الجنس :  Female
مكان الإقامة : قلوب اللي آحبهم ..!*
عدد المشاركات : 1,714 [+]
آخر تواجد : 12-23-2010 [+]
عدد النقاط : 59
قوة الترشيح : Towfe will become famous soon enough
الأوسمـة
بيانات الإتصال
آخر المواضيع
United Arab Emirates
الافتراضي

كُتب : [ 08-18-2009 - 02:36 AM ]

الجزء الثاني.........))


رجعت الريم داخل اول ما لمحت الموتر... بس بطي عرف انها الريم واستغرب انها طالعه بها الوقت....
الريم كل اربعا 12 تقريبا الفليل تطلع عسب تجوف ولد خالتهاواسمه سيف وهو من ام القيوين...تحبه وتموت فيه...لكن هو ما يحبها..يبغي بيزاتها وبيزات ابوها.. يسوي كل ها عسب لما يتزوجها يستتغلها ويآخذ بيزاتها...بس هو اللحين ما يبين لها شي..يبين انه طيب وحنون وراعي واجب..وانه يمووووت فيها...والريم وحليلها مصدقتنه...ابو حميد اللي هو ابو الريم..ما يداني هالسيف يكرها كره العمى....سيف خطب الريم بلووول بس ابو حميد رفض وطرده من البيت...وسيف هدده وقال (بتجوف محد بيآخذ الريم غيري...)....(بالغصب ولا بالطيب بآخذها يعني بآخذها...).....
ابوحميد عصب وطلعه برع البيت ومن هاك اليوم لا يتزاورون ولا لهم خص فبعض.....والريم تجوف ولد خالتها بالدسه..ومن دون علم حد....اخوها حميد يداوم طول الاسبوع فابوظبي...وما يرد الا يوم الخميس..والجمعه...
وابو حميد اغلب الوقت مسافر...او مشغول بشغله وهو بعد مايرد الا فالاجازات...

نكمل....

بطي ووصل للبيت وهو يفكر...

بطي:اممممم هاي شتسوي بهالوقت...؟؟!! والله غريبه...؟ خاطري اعرف..؟؟!!...لالا انا شلي يمكن تتريا حد من هلها.....مالي خص....بشي..

يدش الصاله....وكانت الساعه 12...والكل راقد...اشوي الا يسمع حد يضحك الا ميت من الضحك..فعرف انها اخته..مريم.

بطي دخل حجرتها وهي ولا عالبال...كانت تسولف ويا ربيعتها ومآخذتنها السوالف....وما حستت بوجود بطي...

بطي (ميود ضحكته..بس قرر ان يلعوزها...ويغلس عليها..)

بطي (واونه معصب..):انتييييي ايييييه وين تبين...؟ما اجوفين الساعه..

مريم (ارتبكت ونقزت من مكانها..):ب بببطييي..ان ا كنننت اكلم ربيعت يي والله...

بطي :ومايستوي تكلمين ربيعتج الا نصايف الليل...
مريم :انزين هيه ما كانت موجوده...توه ردت من برع..

بطي :مشكلتها....دقيلها باجر...ما بتطير البنت....

مريم : انزيييييين خلاص..اففففففف ببنده صخ اشوي.....عن تسمعك..

بطي :خله تسمع والله انا اباها تسمع اصلا عطيني الموبايل..اجوف..

مريم :بطيييييييييييي عن هالحركات...

بطي (يمط الموبايل من مريوم بدفاشه وهيه متنرفزه من حركاته.........)...

بطي :الووووووو السلام عليكم....اقول الشيخه مره ثانيه يوم ادقين دقي العصر او ع المغرب مب هالوقت فاهما...وصلت المعلومة طويلة العمر...

الريم :الوووو وعليكم السلام..هيه وصلت طويل العمر...وانا آسفه اني دقيت بهالوقت.....السموحا منك..ماكنت اعرف انك بتضايق...يلا مع السلامه...

بطي :لحظه لحظه....(الريم سدت الخط.....)...........

مريم :سخيف والله ترضى اني اكلم حد من ربعك اكيد تفشلت البنت اللحين موووول ما بدقلي..اطلع برع ما بغي اجووفك...(وخشت ويها باللحاف..)..

بطي :اييه مريوم هاي الريم بنت ابو حميد.....صح..؟!

مريم :مالك خص قلتلك اطلع...

بطي :بترمسين ولالا..؟َ

مريم : يالله ليش بليتني بهالاخو....ياللله تصبرني....هيه ريموووو بنت ابو حميد....خلاص..اللحين عرفت يلا فارج ابى ارقد....كفاية قطعت سالفتنا..يلا روح..

بطي (ناقع من الضحك..ومريوم...تطالعه باستغراب ومحرجه..)..

مريم :بعد كل اللي سويته وبعد تضحك..والله انك سخيف...اففففف(وتتلحف مره ثانيه..)..

(بطي يتقرب صوبها ويشل اللحاف بس عن ويها..ويطالعها..وهي امغمضه عينها..)..

مريم (فتحت عين وحده..): شفيك روح ار قد..لو ما فيك ارقاد خله الناس يرتاحون وينخمدون...

بطي :انزين انتي ليش ما خبرتيني انها الريم ...

مريم:لا والله وانته شعرفك فيها.....

بطي : اعرفها...مره جفتها...

مريم :اها ووين انشالله..وكيف وشستوى..

بطي : مب لازم..تعرفين..بس احس هالبنت غريبه..امممم واحس انها خاشه شي...

مريم :خيبه خيبه...انته بس جفتها وتقولي احس واحس ...احاسيسك غلط في غلط يلا اطلع...

بطي :امممم مريوم هي كيف..؟

مريم :حوووو بطووووي هاي كبري...وانته مادري كم عمرك21 مادري 22 يعني بالنسبه لك ياهل..مايستوي تآخذها مع انها م اتتعوض فديتها انا...

بطي : انا قلتلج اني ابى آخذها..يهالراس..انا بس اسالج....

مريم (ابتسمت..):وليش انته جي مهتم...غريبه..المهم ماعلينا تصبح على خير ماي برذر....

بطي (ضحك..وباسها ع راسها..):يلا وانتي من هل الخير وآسفين غثيناج يالحلوه...

مريم : افففففففففففففففففففففففف ف...اطلع اطلع......ابى ارقد..الله يعين حرمتك...اظن بتنتحر...بسبتك..

بطي :لاتيبين طاري الحرمه على لسانج يلا انخمدي عن تآكلين عمرج...خخ..(وطلع من غرفتها..)..

بطي (فخاطره..انا شفيني ليش كل افكر فهالريم...انا ما اكن لها أي مشاعر ..معقوله انا احبها..؟؟! لالا مستحيل...انا ما احبها...ما احس بهالشي...يمكن هذا اللي يسمونه الفضول....مادري ليش احس...ان ورا هالبنت سالفه......وانشالله بعرفها مع الايام...........)...............

ڷڛت آڷآفضڷ ڷڪڼ ..!! ڷي آڛڷۈۈبي
*
الرد باقتباس
أحبها
Towfe غير متصل
 رقم المشاركة : ( 10 )
Towfe
عضو مبدع
رقم العضوية : 40
تاريخ التسجيل : Jun 2009
الدولة : United Arab Emirates
العمر :
الجنس :  Female
مكان الإقامة : قلوب اللي آحبهم ..!*
عدد المشاركات : 1,714 [+]
آخر تواجد : 12-23-2010 [+]
عدد النقاط : 59
قوة الترشيح : Towfe will become famous soon enough
الأوسمـة
بيانات الإتصال
آخر المواضيع
United Arab Emirates
الافتراضي

كُتب : [ 08-18-2009 - 02:37 AM ]

الريم فغرفتها وللحين ما انخمدت..

الريم :وافديت ولد خالتي....يعلني ما خلا منه...يعلني مااذوق حزنه..فديته محلو ( سيف لما جاف الريم عطاها ظرف فيه رساله وكما صوره له...)....
الريم ما تعطي سيف رقمها..بس آخر مره قبل الضرايب اللي استوت سيف قال للريم : الريم لو استوى شي..لا تقطعيني...انا مااروم اعيش بدونج...ابى اجوفج..الريم :كييييف..سيف:كل اربعا.. 12 الفليل اطلعي وبجوفج...

فالرساله مكتوب:

قلت للقلب:خفف من شوقك واشتياقك
قال:وربي ما اقدر اتبع وصاتك..
شفت شكثر هالقلب"يالغالي يغليك..
شفت شكثر يهوى"سموك وذاتك..
(هالقلب دآيم لآحكى يفتخر فيك..)
وإذا فكر مايفكر إلا بغلاتك....)....

السلام عليكم....شحالج حياتي عساج مرتاحه...
يعلني فداج والله وربي اشتقتلج...ادعي ان الله يجمعنا...
الريم انا وايد صبرت....متى بنتزووووج...بتخبل..آخر شي...
والله لو وافقتي على غيري...بذبحج ياالريم.....وبذبحا اهو بعد...
ما اتخيلج لواحد غيري انتي لي وبس....
نحن لازم نسافر ونزوج...بعد ما تخلصين هالفصل...شورايج..؟
إذا كنتي تحبيني...بتوافقين...وانا اعرفج ما بترديني....

يلا فداعة الله...واترقب ردج....

احبج..

مع تحياتي:عاشق الريم....

الريم (تمت اتصيح..):افففففف ياربي شسوي...سيف اللي طلبته مستحيل اسويه مستحيييييييل.....اودر امي وابويه وشما وكل هلي...كيف...؟! وعقب..منو بيبقالي...وكيف بجابلهم عقب اللي بسويه..لالا ما اقدر.....ياسيف...وبعد ما اقدر ابعد عنك....انا محتاره ماعرف شسوي...ياربي ساعدني....ما اروم ابيع هلي.....لالا مااروم....ابويه وامايه دوووم يفتخرون فييني...مابنزل راسهم للارض..وبعدين سيف كيف يطلب مني هالطلب....ها تخبل ولاشو.......بس انا احبه مااروم اعيش من دونه....

(الريم محتاره بين هلها وبين....حب حياتها...سيف............).......
الريم كتبت الرد على رسالته...(لان بترد الرساله يوم الاربعا..وبتنهي كل شي لانها مو مستعده تبيع هلها...لان اهلها اهم من كل شي...ثاني....)..

رد الرساله:

وعليكم السلام هلا سيف...

انا مرتاحا الحمدالله...اسمحلي سيف..اللي طلبته مستحيل ان يتنفذ...مستحيل..هب الريم اللي تسويها...
نحن لازم ننهي علاقتنا...لازم...
وانسى كل شي...انسى ياسيف...وبتحصل اللي احسن عني انشالله...وربي يوفقك..انا صح اني خنت هلي باني اجوفك لكن انا خلاص تبت...ومابرد لها الاشيا الشيطان شاطر...ويلعب علينا.....
انتهى اللي بيننا..وانته فطريج وانا فطريج...
واعتبر هذي آخر رساله مبينا....

الريم (تنهدت...وكملت صياحها...ومن التعب رقدت....).......

الصبح فبيت التوأمين...

غلا عمرها 6 سنوات....ولما ترمس تخلي الشين او السين ثاء..هه

غلا تناقز ع شبريت شهد...

شهد:هممممم انتي ايييه يالخايسه....قومي عن شبرييتي وصقي الستاره والله تراني بقوملج...يلا انجلعي برع...مو متفيجتلج...

غلا (تدلع..وتبوس اختها ع ويها..):ثهود ثهووده قومي حبيبتي...قومي...العبي معاي..ليث انتي كثوله....(وتصارخ..)...

شهد (تقوم وتمت حاضنتها بقووو...):شو تبين يالشيطانه شعندج ها..

غلا (ناقعا من الضحك..):ثيطانه طالعا عليييييج...خخخخخخ..

شهد :انتي على منو طالعا شيطانه..

غلا : تعالي ثهووووود ابوي رد من القنص...تعالي..ثلميي عليه..

شهد :احلفي ابووووويه رد......ااااخ اشتقتله...يلا قومي انروح(وراحت ببجامة النوم وناسيه عمرها...)...

ابو سعود :ياهلا هلا والله....فديت شهوود انا..تعالي ابويه تعالي..

شهد (وتبوس راس ابوها..): فديتك ابويه والله اتولهنا عليييييك...يطولي بعمرك يا بو شهد (وتغمز حق اخوها سعود..)..

سعود :نعم نعم ابو امنو هاااااا ابو منو ماسمعت تراني...


شهد :شو ما تسمع..قلتله يابو شهد..خله نغير اشوي كل ابو سعود وابو سعود حلاته بو شهد....

سعود :لا استريحي الشيخه....لما الله يآخذ بأمانتي..واتوفى خله يزقرونه بو شهد....

ابو حميد :يطوووول بعمرك ياولدي..شو هالكلام...بظل بوسعود لو شو ما استوى...وبعدين اختك تسولف....لاتضايق..

شهد :فديت اخوي العووود ربي يخليك لنا.....ما كنت اقصد والله..

سعود (ابتسم..): اعرفج...اتسولفين....يالهبله... .ماعليج ماصار شي....
ابو سعود: الا اقووول وينها سمرو..ما جفتها..؟!

غلا (فحضن ابوها وتتدلع ):بابا انا توني نثثيتها.......لاحت تبدل وبتي هاي ثهود الخبله يايه ببجامتها ما تثتحي...

الكل ضحك...وشهد اتفشلت....وربعت لغرفتها....

شهد :اوووووووه نسييييييييت........

سعود : خخخخخ يغربل ابليسج ياغلووووي تعالي اهني بقولج شي...

غلا :مابي بيلث عن باباتي...

ابو سعود : تعالي يبتلج ارنب حلووووو..

ام سعود:هيييه عسب ايخيس البيت ..

ابو سعود :ماعليج يام حميد....بيتم فالقفص....خله تستانس اشوي..من متى وهي خاطرها بارنب..

ام سعود (تبتسم):ربي يحفظك لنا...يابوحميد...بدونك انا ما اسوى شي..

ابو سعود : ويحفظج لي يا ام سعود...انا بعد من دونج ولا شي...يعلني فداج..

سعود :احم احم نحن هناااااا كح كح....

آمنه توه يايه بيتكم شهوود وسمر...وهي تعتبر من هل البيت...وصديقة العايله..

آمنه : السلام علييكم هلا عمي...الحمدالله ع السلامه..

ابو سعود:وعليج السلامه..الله يسلمج..حياج بنيتي ليش واقفه برع...اتفضلي تراج مب غريبه.....

آمنه :تسلم ياعمي تسلم....اقول عمي..الوالد يسلم عليك...ويقول اليوم بيتمعون فميلس بو عبدالله...بعد صلاة المغرب...

ابو سعود : يمعة شياب خخخ...ماعلي خير انشالله....

آمنة :حلاته يمعة الشياب...يستوي انا أي...

ابوسعود :خخخخخخ....اسالي الوالد...

آمنه :لالالا بساله ولاشيات بيقوووول اكيد آمنة تخبلت..

وكل ها الوقت كان سعود يسمع الحوار اللي يدور بينهم..

(سعود فخاطره انا ليش ما اتقدم لآمنه..انا صح ما احبها..لكن احس..كل اللي فالبيت يعزها ويحبها..ووايد يندمج وياها..واكيد انا بندمج وياها ابسرعا....وشكلها طيبه وحبوبه بعد.....وامايه وابويه يمووتون فيها...بس المشكله انها صغيره...مو مشكله خله تخلص دراستها وبتقدملها...واكيد الكل فالبيت بيستانس من هالخبر..وخاصة الوالد والوالده لازم ارتب الموضوع عقب....)...........خخخ...

سعود اتعمد ايلس وآمنة تفشلت....بس لازم ادش داخل عسب تسلم على ام سعود...شو بتقول عنها...

ام سعود :تعالي فديتج تعالي محد غريب..سعود استح اطلع من الصاله..

سعود (يسوي عمره يطالع المسجات وطاف جنه ما يسمع..متعمد..وآمنه دشت وسلمت على ام سعود..)..

آمنة :هلا خالتي شحالج..فديتج ...؟

سعود (فخاطره قريب بتقوليلها عمتي...هه..)....

ام سعود (تطالع سعود بنص عين عسب يقوم بس الريال عايبتنه السالفه ويالس..بس يسوي عمره مو مهتم..ولا يطالع صوبهم...)....

سعود :يلا انا اترخص...مع السلامه....

لآمنة :خالواا وي..

سعود (رد مره ثانيه ..):امايه انا اشم ريحا حلوووه...انتوا مدخنين البيت...

آمنة تفشلت وفخاطرها..(ها شفيه اليوم وايد مآخذ راحته ويسوي حركات..وجريء بزياده..وبعدين انا اليوم مدخنه من خاطري...اف هبله..)..

ام سعود : لالا مو مدخنين...المغرب نحن ندخن البيت مب اللحين ولا نسيت..

(رن تلفون البيت...وام سعود ردت..وتمت ترمس ونست آمنة..)..

سعود (همس قبل ليروح..): الدخون اللي مدخنه فيه...ريحته عذاب...

آمنه :انته شفيك ما تستحي على ويهك الصراحا وايد زودتها...انا مروحا..مع السلامه..

سعود :تعالي آمنة والله ما كان قصدي شي..

آمنة :انتوا الشباب كلكم جي...كلكم سوا..تتمسكنون لين ما تتمكنون...لا تتحراني شرى هالبنات..باي....

سعود فخاطره ( اثبتت انها بنت ناس....واصيله...وبنت مربايه....اللحين بتتحراني راعي بنات...وسوالف..)......

سعود :خله اطلع قبل لا..

ام سعود قاطعته..: وين وين رايح وين راحت آمنة ليكون قلتلها كلمة وزعلتها تعال..

سعود :امايه انا مستعيل ولد العم يترقبني مع السلامه....انا مروح..

سمر سلمت على ابوها ويت الصاله وشهد معاها...

شهد :امييي وينها آمنة توها اهني...

سمر : هيه توني سمعت حسها.....شهود اليوم ليش احس انج تشبهيني..

ام حميد (ضحكت..):نسيتي ان شهد اختج التوأم...يالخديه...اكيد في شبه مبينكم...

شهد :اخييج انا اشبهج طبعا انا احلى ..احم احم...بس اتصدقين نحن وايد نشابه ووايد ناس يخربطون مبينا...

ام حميد :خخخخ ربي يحفظكم....

سمر : انزين وينها امووون بدقلها..

ام حميد :توها الا هني مادري وين راحت يمكن اتذكرت شي وراحت..

سمر :مادري (ودقتلها بس مغلق..ودقت ع بيتهم...ورد احمد اخو آمنة اول ثانوي وعمره 16 سنة ومغازلي درجة اولى....ويحب يقردن...)....

سمر :اففففففف آمنة موجوده..

احمد : يالحلوه الناس تسلم بلوول عقب تتافف وتسال عن اللي تباه ولا شوا لراي..

سمر:سلام...وين امنه..

احمد :وليش جي ترمسين بدون نفس..

سمر: انته اييييه خلصني عطني امنه..وفكني...

احمد : انتي سمر ولا شهد..

سمر (تقص عليه..):لا سمر ولاشهد ومالك خص..مو لازم تعرف بتعطيني اياها ولالا..

احمد :انزين فديتج ليش محرجه.....

سمر:انقع يلا باي..

احمد :لالا لحظه آمنة توها راده..اصبري يالحلوه..

سمر:فعينك يلا عطني ..

(آمنة تسحب التلفون..)..

آمنة:الووووو امنو شو تبون في شي ابسرعا ارمسوا مو فاضيتلكم..

سمر:حشى كلتيني...بلاج يالبغله اشوي اشوي علي....كلتيني..شفيج معصبه..

آمنة :هلا سمر....بغيتي شي..

سمر:هيييه وينج انتي... طلعت انا وشهود ما حصلناج....

آمنة:تعبانه اشوي وحسيت راسي يعورني وانتوا طولتوا فقلت يمكن مشغولات ورديت بيتنا عرفتي اللحين يلا باي فيني ارقاد..

سمر: مامشت علي...هالسالفه...اكيد في حد ضايقج...بعدين بعرف السالفه يلا ارتاحي اللحين..وبدقلج عقب باي......

آمنة :سموور مافيني شي....باي حبيبتي..

آمنة سدت الخط واتنهدت..

احمد :شفيج..شاله هموم الدنيا...ع راسج...

آمنه :مالك خص..انته آخر واحد ترمس..وبعدين ليش اترد على تلفون البيت كم مره قايلتك ماتردخله العنود او ساروه او امايه يردون لكن انته لا فاهم..

احمد :اعصابج وامايه فالمطبخ..ويا البشاكير..وخواتج مندعسات فالحجره..ومجابلات هالمجلات..ويجووفون..آخر الصيحات والموديلات بنات هالوقت مب فالحين بشي.....يلا انا بطلع ابركلي..

امنه :افففف انا مو متفيجتلك انفد..

احمد :انتي دوم جي..فهالبيت محد يسمعني محد بروح بيت عمي احسن..

امنه :احمدددو تعال تعال..بخبرك بشي..

احمد :توه اتقولين انفد شتبغين الحين..

امنه :امممممم احمد بسال سؤال وتجاوب بصراحا..ما تحس ان زياراتك لبيت عمي أكثرت ولا انا غلطانه..

احمد : عمي بعد ماتبيني ازور عمي إذا انتوا منقطعين عنهم وماتزورونهم فانا ازورهم ع الاقل في ناس تسمعني اهناك...

امنه :اها يعني لولوه مالها خص فسالفه..

احمد (ارتبك..):لولوه منو هاي لولوه بعد انا مااعرفها انا ايلس مع عيال عمي وعمي وبس..

امنه :اهاااااا زين صدقتك..

احمد :اموووون جان تعرفين شي او حد مخبرنج بشي...قوليلي..

امنه:شفيك اتروعت....انا بس اسال إذا انته فخاطرك شي..ارجعلي احمد تراني بسمعك..(ابتسم..).

احمد :امممم انشالله...........

امنه : فديتك اخوي لاتستحي..والله..

احمد : امنه ليش انا ما عندي اخوووو..شرى هالناس ع الاقل بيفهمني..

امنه (تمسح ع شعره..):اخوي يعني نحن ما نكفي..

احمد : تكفون وزود لكن انتوا اغلب الوقت ويا ربيعاتكن ودراسه..ومجلات ونت...انا اختلف عنكم...انتوا اهتمامتكم غير وانا غير...

امنه (حزة بخاطرها..لان فالبيت محد مسوله سالفه..حتى ابوه..)..

امنه : انزين ليش ما تطلع مع ربعك ماشالله انته عندك وايد ربع..واجتماعي مع الناس ماشالله عليك..

احمد : انا صح عندي ربع بس انا محتاج اخو..ويكون اكبر عني..

امنه :احمد قصدك ان وجودي انا غلط..ولو كنت ولد احسن..

احمد :لالالا اموووون انتي مو فاهمه خلاص ولا شي انسي..الموضوع..احسن...اصلا انتي اكثر وحده تسمعيني....يلا انا طالع.

امنه (ابتسمت..):ربي يحفظك خبر امي قبل لاتطلع بتم اتحاتيك..

احمد :انزين انتي خبريها....انا ريال...ليش تحاتيني بعد..(وروح..)..

امنه : والله وكبرت يااحمدووووه......خخ..

ڷڛت آڷآفضڷ ڷڪڼ ..!! ڷي آڛڷۈۈبي
*
الرد باقتباس
أحبها
إضافة رد


أدوات الموضوع ابحث بهذا الموضوع
ابحث بهذا الموضوع:

بحث متقدم
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 11:38 PM.

Powered by vBulletin® Version 3.8.7
Copyright ©2000 - 2017, vBulletin Solutions, Inc.
vEhdaa 2.0 by NLP ©2009