منتدى عيون كلباء
اللهم رب الناس اذهب البأس اشفي والدي انت الشافي لا شفاء إلا شفاؤك شفاءا لا يغادر سقما
اللهم رب الناس اذهب البأس اشفي والدي انت الشافي لا شفاء إلا شفاؤك شفاءا لا يغادر سقما

عـودة للخلف   منتدى عيون كلباء > العيون الادبية > عيون القصص

الإهداءات


إضافة رد
 
أدوات الموضوع ابحث بهذا الموضوع طريقة العرض
رقم المشاركة : ( 1 )
●●مشَآع‘ـِرْ مَكْتٌوؤمَه ●● غير متصل
صورة ●●مشَآع‘ـِرْ مَكْتٌوؤمَه ●● الرمزية
 
●●مشَآع‘ـِرْ مَكْتٌوؤمَه ●●
مل قلبيﮱ كتمآنھہ . .
الأوسمـة
بيانات الإتصال
آخر المواضيع
United Arab Emirates
In Love
 
رقم العضوية : 6896
تاريخ التسجيل : Feb 2011
الدولة : United Arab Emirates
العمر : 21
الجنس :  Female
مكان الإقامة : المملكــة الإتحـآأدية الكلــبآأوية
عدد المشاركات : 1,960 [+]
آخر تواجد : 03-03-2014 [+]
عدد النقاط : 93
قوة الترشيح : ●●مشَآع‘ـِرْ مَكْتٌوؤمَه ●● will become famous soon enough
الافتراضي أٌٌحََََـــبكــ كَََثـٍـٍر مـاآ دَََاآرتـ فــي ذهـــِـِـِن اآلحالًًًمـٍـٍين أآفــكار

كُتب : [ 06-03-2011 - 11:51 PM ]



السسلام عليكم ورحمة الله وبركاته
علوومكم ؟؟
ربكم الا ابخير ؟؟

حبيت انقل لكم روايه من وااقعنا
وربي وربي من اجمل الرواايات الي قريتهم
انا هب اي روايه اتشدني
بس هالروايه غيييير

روايه بقلم : ذربة المعاني

تخيلو خلصتها في 3 ايام
لانه الاحداث شدتني

واتمنى من اي حد ينقل الروايه
ما ينسى يكتب اسم الكاتبه
لحفظ حقووقها

واتررككم مع الروايه
واتمنى انها تعيبكم شرات ما عيبتني




تسجيل خروج
عسى محد شال بخاطره مني
الرد باقتباس
●●مشَآع‘ـِرْ مَكْتٌوؤمَه ●● غير متصل
 رقم المشاركة : ( 2 )
●●مشَآع‘ـِرْ مَكْتٌوؤمَه ●●
مل قلبيﮱ كتمآنھہ . .
رقم العضوية : 6896
تاريخ التسجيل : Feb 2011
الدولة : United Arab Emirates
العمر : 21
الجنس :  Female
مكان الإقامة : المملكــة الإتحـآأدية الكلــبآأوية
عدد المشاركات : 1,960 [+]
آخر تواجد : 03-03-2014 [+]
عدد النقاط : 93
قوة الترشيح : ●●مشَآع‘ـِرْ مَكْتٌوؤمَه ●● will become famous soon enough
الأوسمـة
بيانات الإتصال
آخر المواضيع
United Arab Emirates
الافتراضي

كُتب : [ 06-03-2011 - 11:53 PM ]

الكلام من قوول من الكااتبه ذربة المعاني
وبلسانها
.
.
.


لكل(ن) منا قصة،،ولكل قصة نهاية،،


لربما كانت جميلة،،ولربما مؤلمة،،


رغم كل ذلك،،ما زلنا نعيش ونحلم ،،


ونتأمل في كل ما مر علينا،،،




،




روايتي لم تأتي من فراغ ،، قصة واقعية ستكتبها يداي


بطلب من فتاة ،،نقلت لي واقعاا كانت تعيشه،،منذ سنوات


غير مجرى حياتها كله،،إلى جانب الكثير مما كان يدور حولها ،،



،



لربما تتساءلون أين هي؟



قلبهااا ما زال ينبض,,,وروحهاا ما زالت تحب الحياة,,عيناهااا ما زالت تبرق بتلك الأحلاام التي كانت تعيشها منذ أن كانت صغيرة,,ولكن,,ما زااالت تعطي,,,ولا تجد مقابلا لكل ذلك العطاء,,,إلى أن وجدت قلبااا غير مجرى حياتهااا كله,,,ووجدت للحياة طعماا,,ووجدت للابتسامة ألوانااا,,ووجدت ما كانت تبحث عنه منذ سنين,,ليعوضهاا عن كل دمعة في كل ليلةٍٍ سهرت فيها مجروحة القلب والعين,,



،





إهـــــداء خــــاآآص




رغم رحيلك إلا أن قلبي ما زال ينبض بإسمكـ


,وصوتك يتردد في أذناي,,وهمساتك وضحكاتك,,


وكل شي فيك يتخايل أمااامي في كل لحظة,


, لم أشعر قط بأن الحياة جميلة,,إلا بوجود قلبٍٍٍ كقلبك,,رحلتَََََََ نعم,,


ولكنك تعيش هناا,,,في وسط قلبٍٍٍ ما زال ينتظرك,



,ما زلت أحبك,,,






روايتي بعنوان


// أٌٌحََََـــبكــ كَََثـٍـٍر مـاآ دَََاآرتـ فــي ذهـــِـِـِن اآلحالًًًمـٍـٍين أآفــكار,,,بقلمـــي//




بقلمـ// ذربــــة المــعااآني



تسجيل خروج
عسى محد شال بخاطره مني
الرد باقتباس
In Love
●●مشَآع‘ـِرْ مَكْتٌوؤمَه ●● غير متصل
 رقم المشاركة : ( 3 )
●●مشَآع‘ـِرْ مَكْتٌوؤمَه ●●
مل قلبيﮱ كتمآنھہ . .
رقم العضوية : 6896
تاريخ التسجيل : Feb 2011
الدولة : United Arab Emirates
العمر : 21
الجنس :  Female
مكان الإقامة : المملكــة الإتحـآأدية الكلــبآأوية
عدد المشاركات : 1,960 [+]
آخر تواجد : 03-03-2014 [+]
عدد النقاط : 93
قوة الترشيح : ●●مشَآع‘ـِرْ مَكْتٌوؤمَه ●● will become famous soon enough
الأوسمـة
بيانات الإتصال
آخر المواضيع
United Arab Emirates
الافتراضي

كُتب : [ 06-03-2011 - 11:56 PM ]


الجـــــــزء الأول




من إحساسي أبرسمـ داخلي حلمٍٍٍٍ لنا مسلوب...أظن أجمل من سنيني وأيامي مع أصحابي..ألا يا بير حظي جيت لك ظامي وانا مشحوب..عساني فيك ألقى ما يرد الشوف لـ أهدابي...





قبل 7 سنوات..سنة(2003)،،،



"لربما عادت بي الذكريات إلى الوراء قليلا...لأتذكر مدى سعادتي في تلك الايام..."





بيت بوسعيد



الساعة سبع الا ربع الصبح



أول يوم من أيام الجامعة (التيرم الاول)،،



غرفة اليازية وحصة,,




حصة وهيه يالسة اتوعي اليازية: يزوووي قومي ما شي وقت،،انتي من اول يووم جذيه،،الله يعين عقب،،



اليازية من تحت اللحاف: يااا ربي ،،شو هالحااالة،،الا اول يوووم،،ما فيه اداوم،،سيري برووحج،،



حصة: مب كييفج،،يلاا يلاا قوومي نشي،،اهم شي اول يوووم



اليازية وهيه اتفج اللحاف: انزين ما عليه ،،بنش،،بس انتي لا توقفين ع راسي شرات الحارس،،



حصة وهيه سايرة صووب التسريحه: ع هوااج،،انا وعييتج،،لا اتمين عقب اتحرطمين عليه،،انتي يبااالج ساعتين لين اجهزين عمرج،،




ويرن تيلفوون اليازية،،والمتصل طبعااا ربيعتهااا عليا،،



اليازية والصووت كله رقاااد: ألوو



علياا وبنشااااط : حووووه قوووومي شووو هالرقاااااد،،يلاا يلااا انقفضي،،هبابناا لين انحوط الجامعه كلهاا اليوووم



اليازية وهيه مغمضة عيونها: والله انج متفيجه وراااااايقه واايد بعد،،اقووولج علااايه والله ما فيه انش اليوم،،خليهاا باجر،،



عليااا: لااا والله،،جيه رحله هيه،،،قومي قومي،،والله ان ما نشيتي يا ما ارمسج ولا اترمسينيه،،تسمعين ولا لا،،



اليازية : هههه اسميج خقاااااقة،،كله وااحد ،،ستين ألف وحده فالجامعة



علياا : يلااااااااااا عاااااد يزووووي،،الكل يتريااانا اليوم،،،ما بنحضر شي يالخبلة ،،اليوم بس حواااطه،،ومشاااوف،،



اليازية وهيه تيلس عالشبرية: ما عليه ما عليه،،اسميكن صدعه انتي وهالاخت اللي اهنيه،،



عليااا: ههههه اوك عيل،،نترياااااج،،




اليازية++ 20 سنه،،سنة ثانية.. جامعه الامارات،،تخصص ترجمه،،بنت ما اعرف كيف اوصفها من كثر الشخصيات اللي في داخلها،،طمووحه وااايد،،راعية سوالف وربشه،،عنيده،،واتحب التحدي بكل انواعه،،،شخصيتهاا اتخلي اللي ما يعرفها يتعلق فيها،،في نفس الوقت،،دووم يعيش في داخلها حزن،،واذا أي حد يدقق في عيونهاا يعرف انه هالبنت مجرووحه وااايد،،بس هي من النوع اللي ما اطلع اللي في قلبها،،بنية جميله،،وفيها جاذبية غريبة،،خاصة عيونها،،علياا ربيعتهاا الرووح بالرووح من يوم كانن فالمدرسة،، عليا بالنسبة لليازية مثل اختها وأكثر،،




حصة وهيه اتصد صووب يزووي اللي كانت يالسة عالشبرية والشعر امبهدل وعين مفتوحه والثانية نص مفتوحه: هههههه اسميج حالتج صعبه،،محد قااايلج تسهرين هالكثر،،اتعوذي من الشيطان وقومي يلااا،،نحن ورانا محاضرات،،



اليازية: ان شاا الله عمتيه،،شي فخااطرج بعد؟



حصة وهيه اطلع شيلتهاا من الكبت: لا لا بس يلاا انقفضي عااد



حصه++ 23 سنه،،سنة خامسه..جامعة الامارات،،تخصص علاقات عامه،، انسانه جدية في حياتهاا،،شخصية قيادية،،الكل يعتمد عليها وياخذ برايها،،مالج عليهاا ولد خالهاا (خليفة)،،ويترياها بس تتخرج هالسنة وبيعرسون،،حصة بنية رزينة،،واللي يشوفهاا يحترمها غصبن عنه،،جمالها هاادي،،وكل شي فيهاا كيووت،،ما اتحب سوالف الميك اب والبدلاات،،وهي مب من النووع اللي يكشخ واايد،،




في نفس الوقت،،



بيت بوخليفة,



الساعة سبع الصبح،،



غرفة موزة،،




موزة وهي تتجهز للمدرسة وواقفه اتعابل شعرها وتغني بصوت عالي:إن زعلت أرضيك وكل عمري فداااك،،والزعل مزعل يالغاااالي عليك،،لو تآمر برووحي تنقاااااد لرضاااااك،،ولو ( ويدخل هزاااع عليهااا،،



هزااع وهو محرج: موزززوووه متفيجة ترااااج،،برووح عنج ترااااني،،شووو هالحاااااله،،



موزة ويديها في شعرها: انزين الشيخ هزااع،،ذليتنا عاااد،،محد غيييرك يدرس،،



هزاااع: هيه هب عااايبنج،،يلاااا يلااااا انقفضي،،،



موزة: يلاا يلاا بس بتلبس عبااااتي،،،يبوووك بسير أقص لييسن عن هالمذله كل يوم،



هزااااع: بتبطيييين اسميج،،بدعمج بشاااحنة إن لقييتج فالشارع،،



موزه وهيه تتلبس عباتها:هههههههه عااااد ادعمني من ورى عسب ما ينفعص ويهي ههههههه



هزااع: بااااااااااااااايخه،،يلاا اترياااااج تحت،،



موزه : اوك اوك،،



هزاع++ 20 سنة،،سنة ثانيه في تقنية العين..تخصص (آي تي)،،هزااع شخصية مرحه وااااايد،،ويحب الضحك والسوالف،،ألزم ما عليه كشخته،، انسان مهتم في دراسته،،وطمووح،،،



موزة++ 17 سنة،،ثالث ثانوي ادبي،،موزووه بنت اتسوي اللي تبااااه،،وما عليهاا من حد،، ،، انسانه ما تااخذ الامور بجدية،،،وماخذه الامور كلها سوالف،،فضوليه،،واتحب تتعرف عالنااااس،،جريئة واااايد،،وجرأتهااا بتوديهاا لأمور وايد بتندم عليهاا،،




في نفس الوقت ،،



الصالة



ام خليفة وهي اتصب حليب لشمسة: بويه ما شفتي موزوه اختج نشت ولا بعدهاا؟



شمسة وهيه تتأكد انه اغراضها كلهن فالشنطة: ما ادريبها امايه،،بس سمعت صووت هزاع وهو يزاعج عليها،،



ام خليفة : يالله ياهالبنت من استوت جذيه،،ما تنقفض ،،دوومها ع دووبها،،ولا عليها لا من مديرة ولا معلمه



شمسة: لا اتحرجين عليها أميه،،موزوه من استوت جذيه،،من كثر دلع ابويه لها،،محد يرووم يرمسهاا،،



هزااع وهو نازل من فووق،،واللابتوب ع جتفه والكاب ع راسه،ويهوي على امه ويحبها ع راسها: شصبحتي أميه،،



ام خليفة: بخير يعلك الخير ابويه،،تعااال ايلس بصبلك كوب حليب،،



هزاع وهو محرج: امااايه أي كوب حليب،،انا امبوني متأخر،،وهاااي بنتج بذبحهااا تراني،،



ام خليفة: ابويه عاااد الا اليوم،،الدريول شالنه ابوك صوب المزارع



شمسة وهيه اتصد صووبه: عيل انا منووه بيوصلنيه الجامعه؟



هزاع: اووهووو الجامعه وووين ،،والتنقنية وووين،،ومدرسة موززوه آخر الدنيا،،عز الله وصلناا نحن،،جيه انا مواعد ربعي،،



ام خليفة: يا بويه اذكر ربك،،شوو هالعيلة اللي فيك،،ما عليه بتووصل ان شاا الله،،



مووزوه وهيه يايه والابتساامة على ويهها وتهوي على امهاا واتسلم عليهاا،،



ام خليفة: يا بويه شووو جذيه مأخرة اخوانج،،لو بعدهم دواماتهم حذالناا ززين،،محد بيعيلج،،



موزوه وبدلع : امااايه عاااد لاازم اكشخ اول يووم،،



هزاااع وهو محرج: عرس هوو،،شوو هالقصة اللي نازلة على عيووونج جذيه،،بتنعشيبهاا ؟



موزوه: هههههه،،،لالا بغايضبهاا البناااات



شمسة وهيه اتنش : بسج من هالهذرة الزايدة،،واتصد صوب امها،،اميه شي فخاطرج،،؟



ام خليفة: وداعة الرحمن يا بويه،،هزااع بويه شوي شوي فالطريج،،لا تسرعون



هزاع : ان شاا الله ،،ما عليه ،،




شمسة++22 سنة،،سنة رابعه في جامعة الامارات،،تخصص ادارة اعمال،،شخصيتها حلوة،،هادية،،وهدوءهاا دووم يحليها،،اتحب تخصصها وااايد،،وطالبة امتياز،،انسانه اللي يميزها اسلوبها،،وتعاملهاا الراقي ويا الناس،،،شمسة عكس اختها موزة،،انسانه عاقله وتتصرف بعقل،،وما اتخلي قلبهاا اللي يحكمها،،مع انه قلبهاا متعلق بقلب ثااني،،بس فوق كل هذا ما اتخلي هالشي محور حياتها،،او ما تعطي لنفسها فرصه انها اتفكر باللي شاغل بالها دووم،،


تسجيل خروج
عسى محد شال بخاطره مني
الرد باقتباس
In Love
тsωα 3чôŋε غير متصل
 رقم المشاركة : ( 4 )
тsωα 3чôŋε
مشرفۃ عيون msn والبلاك بيري
رقم العضوية : 94
تاريخ التسجيل : Jul 2009
الدولة : United Arab Emirates
العمر : 23
الجنس :  Female
مكان الإقامة : خــور جلــبآ ..~
عدد المشاركات : 6,572 [+]
آخر تواجد : 03-28-2013 [+]
عدد النقاط : 42
قوة الترشيح : тsωα 3чôŋε is on a distinguished road
الأوسمـة
بيانات الإتصال
آخر المواضيع
United Arab Emirates
الافتراضي

كُتب : [ 06-03-2011 - 11:57 PM ]

احسس ان الروآآآيه كششوخيهـ ,,^^
يلهـ نتريآآآهـأ .’~
وتسسلميين ع الطرحح ,,~

الرد باقتباس
مضايجة
●●مشَآع‘ـِرْ مَكْتٌوؤمَه ●● غير متصل
 رقم المشاركة : ( 5 )
●●مشَآع‘ـِرْ مَكْتٌوؤمَه ●●
مل قلبيﮱ كتمآنھہ . .
رقم العضوية : 6896
تاريخ التسجيل : Feb 2011
الدولة : United Arab Emirates
العمر : 21
الجنس :  Female
مكان الإقامة : المملكــة الإتحـآأدية الكلــبآأوية
عدد المشاركات : 1,960 [+]
آخر تواجد : 03-03-2014 [+]
عدد النقاط : 93
قوة الترشيح : ●●مشَآع‘ـِرْ مَكْتٌوؤمَه ●● will become famous soon enough
الأوسمـة
بيانات الإتصال
آخر المواضيع
United Arab Emirates
الافتراضي

كُتب : [ 06-03-2011 - 11:59 PM ]

بوظبي



الساعة ثمان الا ربع الصبح



موتر سعيد



سعيد وهو مضاايج: يا ريااااال لا اتم كل مرة وترمسنيه في نفس السالفة



حميد: بوعسكوور ما احيدك جذيه،،عنبووه حد يقطع اهله اسبوعين،،ومن دوون سبب،،



سعيد وهو يولع الزيجارة: حميد أزيد ما رمست في هالسالفة لا ترمس،،ياخي كييفي،،انا ريااال حر،،انته ما تفهم،،انا عااايف العين،،عايفنهاا



حميد: سعيد لا اطفربي،،لول محد كثرك يترياا بس الويك اند عسب تنزل اتشوف عياالك،،وام عيالك،،ياخي شوو ذنبهم ،،لا اترد على التيلفوونات ,,بس عالاقل اسأل عليهم،،



سعيد وهو خلاااص محرج على حميد ويركن السيارة على طرف الشارع ،،وبصوت عالي: صدقني يا حميد اذا بتم ترمس عنهم صدقني بنزل وباخذلي تكسي،،



حميد وهو يحاول يهديه: اوك اوك،،خلاااص ع هواااك،،



سعيد وهو يحرك السيارة ويفر الزيجارة اللي في ايده فالشارع،،وكان يسوق بسرعه فظيعه



سعيد++ الكل يتساءل ليش سعيد جذيه،،سعيد من يووم اتوفى ابوه وهو حالته حاله،،سعيد ريال مب صغير،،عمره 30 سنه وماخذ بنت عمه(سلاامة) وعنده ولد وبنت،، سعيد هو اكبر عيال بوسعيد,, واخوانه (محمد وحصة واليازية)،،قبل وفاة ابوه بسنة تقريبا كان انسان محد احسن عنه،،زين في هله وفي حرمته وعياله،،حنوون وطيب،،بس في نفس اليوم اللي اتوفى فيه بوسعيد،،سعيد صار انسان ثاني،،انسان مهمل لنفسه ولبيته واخوانه،،ما صار شي يهمه،،وكل هذا وراه بس سبب واحد،،خلا سعيد ينجلب حاله امية بالمية،،




الساعة ثمان ونص الصبح



جامعة الامارات



الرباعية




عليا وهيه اتبصبص عالبنات: اقووولج يزوووي طالعي طالعي الاصفر هنااااك،،



اليازية وهيه ماسكة تيلفوونها ومب مهتمه: شتبينهن،،بتشووفين وااايد عيل،،اقووولج ما عندج مسج للصبح،،



علياا: لاااا والله،،ومنوووه حقه هالمسج؟



اليازية: منوووه حقه يعني ريلي؟؟،،،ابى اطرشه لسلاامة حرمة سعيد،،غامضتنيه،،



علياا: بعدها في بيت اهلها؟



اليازية وهيه تتنهد: من اسبوع وشي هناك الحينه،،ومحد يعرف شوو فيهم،



عليا وهيه تبسم: ما عليج عاااادي،،اتصير المشاااكل تراها،،اندووج هذا تيلفووني وطرشيلج أي مسج تبينه،،انا بسير اطلب ريوووق،اوك



اليازية وهيه تبسم: اقووولج علاااايه،،شوفيهم جاان مسوين ورق عنب الصبح،،مشتهية شي حاامض



عليا: ههههه لالا انا شااكه فيج،،اخافج مصرية بس،،منووه يااكل محشي الصبح غير المصريات،،



اليازية: يا بنت الحلال ،،النفس وما تشتهي،،انتي طالعي،،اذا شي هاتيه،،واذا ما شي،،طلبيليه أي شي



عليا: وهيه اتوخي على يزوي وتكلمها بهمس: اقوولج طالعي طالعي الشلة اللي هناك،،جنهن الا من مدرستنا،،صح؟



اليازية وهيه اتصد: امحق مدرسة،،جااان الا هذيلاا منااك،،انا ما اعترف فيهن،،اقووول سيري سيري طلبيلنا بسرعه،،ما فينا انسلم عليهن،،هذا اول يوم جذيه،،الله يستر باجر،،اخافهن ينسن عبيهن فالبيت،،



عليا: هههههههههه ،،،ههههه




في نفس الوقت



في جامعة الامارات



المبنى اليديد



الطابق الاول




حصة وهي يالسة في واحد من الكلاسات الفاضية،،وماسكة تيلفونها،،اترمس خليفة،،



حصة: بلااااك خليفة،،انا اقولك اتقووم الحينه اتسير العيادة،،بلااك ما تسمع الرمسة



خليفة وهو بعد متلحف ،،بس كان مزجم شوي،،وبهمس: تتروعين عليه؟



حصة وهيه مستحية واتقوي عمرها: ممنوع الاسئلة الحينه،،انا اقولك قم وسر العيادة،،عشان خاطريه،،



خليفة: تعرفين شوو فخاطريه؟؟



حصة وهيه تبسم: ما قلنا ممنوع الاسئلة!!



خليفة وبابتسامة خفيفة: هههه،،اسميييج حاااله،،خاطريه الليلة يكون عرسنا،،



حصة والويه مولع : اقووول خليفة برايك برايك،،بخليك الحينه،،ربايعيه يايات صووبي،،



خليفة: هههه ،،ما علييييه،،



حصة: ولا تنسى اتسير العيادة،،



خليفة: ان شااااا الله من عيووني



حصة وبهمس: تسلم عيونك،،



خليفة : شوووه شووه قلتي،،ردي عيديها،،



حصة وهيه تبسم،،: خليييفة ،،،،مع السلاااااااااااامة،،



حصة++يالله قلبي يدق طبووول،،ما ايووز عن سوااالفه،،بس والله اني اتولهه عليه ،،وودي ما اسكر عنه،،وودي ما يغيب عن عيني لحظة وحده،،خليفة أول ما ملج عليه،،ما كنت اعرف طبعه واسلوبه،،كنت كل مرة اكتشف فيه شي حلو،،والشي اللي يعيبني فيه انه طيب وحنون،،ويحسسني دوووم انه يباااني،،في اليوم يرمسني أكثر من عشر مرات،،واذا كان ويا ربعه،،لااازم مسجات،،لولا خليفه،،ما بتكون الدنيا حلوة في عيني،،الله يجمعنا ع خير ان شااء الله،،



خليفة وهو حاط التيلفون ع صدره والابتسامه بعدها على ويهه++أحبهااا،،واموووت فيهاا،،الحمدلله انه الله وفقني وعطااني حصه،،انسانه طيبة ومتفهمة،،والاهم من كل هذا حنوونه وااايد،،بس الله يااخذ الدرااسه اللي مخلتنا انأخر هالعرس،،بقووم اسير العيادة،،ادريبها بتزعل اذا ما سرت،،




خليفة++ 28 سنة،،يعني اكبر من حصة تقريبا بخمس سنوات،،ضابط فالسلااح الجوي،،انسان يحس بالمسؤولية،،هو اكبر اخوانه،،وابووه يعتمد عليه دوووم،،حصة اتصيرله بنت عمته،،ملج عليها من دوون أي مقدماات،، اخته شمسة اقترحت عليه،،ووافق على طوول،،وحصة ابدن ما اترددت،،وسبحان الله،،الله وفق بينهم،،ويتريوون بس حصة تتخرج وبيعرسون على طول،،




واحد من شوارع العين



موتر محمد،،



محمد وهو يرمس ولد عمه أحمد: والله يا بوشهااب علمي علمك،،انا ارووحي حرقت تيلفوونه ما يرد عليه،،ما ادري بلاااه سعيد هالاياام،،



أحمد وهو مب عايبنه وضع اخته سلاامه: مب حاااله ترااها،،سلااامه وااايد تشكي منه،،لو بعدها مقصرة فيه وف عياااله والله ما ارمس ،،بس ادريبها اختيه،،ما قااصرنها شي،،



محمد: ما عليه بوشهااااب،،فترة وبتعدي،،وانا بحاول اسير عنده هاليومين بوظبي،،وبشوووفه،،ما تعلم،،يمكن شي صااير بينهم،،وبيتصلح ان شاا الله



احمد: شوو اللي يتصلح ،،الحينه من سنة تقريبا،،واختيه سايرة راده هالبيت،،بهدلوا عيااالهاا،،والسبة اخوووك،،اربع وعشرين ساعه ف بوظبي،،ياااخي جااانه ما يباااها يقووول،،العرب يرمسووون،،وانا مب عاااايبنيه في اختيه حد يرمس عليهااا،،



محمد: يا رياااال اتعوذ من الشيطاان،،،تبى الصرااحه مب راضي يسمع منا،،ما ياخذ ع رمستنا،،



أحمد: ياخذ ولا ما يااخذ،،جانه ما بيتصرف،،انا برمس اللي اكبر عنه،،



محمد: انته صبر عليه شوي،،خلني اسير بوظبي وبشوفه



احمد وهو يتنهد: ما عليه ما عليه،،بس استعيل بوجسيم،،مصخهاا سعيد الصراحه،،



محمد: يا رياااال،،ربك كريم،،



احمد: اوك عيل بوجسيم،،بخليك الحينه،،شي فالخاطر



محمد: طاااااالت عمرك بوشهااااب،،سلم على عربك ،،



احمد: يوصل بخير ان شااا الله...




محمد++25 سنة،،يشتغل فالشرطة ،،محمد انسان عااقل،،راعي معاااني ومواااييب،،،ما يحب الغلط،،واذا عصب محد يرووم يرمسه او حتى يناقشه،،محمد هو اللي قدر يحل محل ابوه بعد ما اتوفى،،شال البيت فوق راسه،،ومب مخلي امه ولا حتى خواته يحسن انه شي قاصرنهن،،مع انه سعيد اكبر عنه،،بس سعيد انصدم في شي ومب قادر يستوعبه،،ومب قادر يحط عينه في عين امه من عقب ما اتوفى ابوه،،ومحد يقدر يلوومه على هالشي،،




أحمد++ 24 سنة،،ولد عمهم عيال بوسعيد اللي هم(سعيد،محمد،يزوي،حصة،)،،ا حمد اخو سلاامه حرمة سعيد،،شاااب واااايد مغرور،،وما ألوومه،،ما شاا الله نااس عندهم خير،،وعايشين في عز،،أحمد كان يدرس برى من اول ما خلص ثانوية،،ما كمل دراسته،،لنه عاف الغربة وما قدر يتحمل،،رد البلااد واشتغل وعنده رتبة ما شاا الله،،وناوي يعرس،،وحاط عينه على وحده بتعرفونها بعدين،،




الساعة 12 ونص الظهر



مدرسة البنات( اعدادي+ثانوي)



صف ثالث ثانوي ادبي



شعبة (أ)



موزووه وهيه يالسة ع طاولة المعلمة: هههههههه،،اسمييييها أبلة الجغرافيا حطمتن اليوووم،،هب لبس لاااابسه ههههه



عزوه: هههههه ،،تلقييينهن من شهرين وهو يحااوطن هالسوووق ويفصلن،،ههههه متفيجاااات،،



موزوه: ههههه يالخبله يتعدلن عشاان البناااات،،ولا منووه متفيج يطاالعهن،،بنطااالع الكتب ولا بنطااالع ثياااابهن ومكياجهن،،ههه والله حاااااله،،،



عويش وهيه واقفه جدام الباب: اقووووولكن يلسن يلسن،،أبلة التااريخ يايه



موزوه: لا حووووول،،هاااي من يييت المدرسة ولا يوووم غااابت،،حشى ما تمرض!!!



أسما وهيه يالسة ع طاولتها بشكل مؤدب: موزة لو سمحتي لا اتكلمين عن ابلة مريم جذيه،،



موزوه وهي تنزل من على الطاولة وتقرب صووب أسما،،واتكلمها باسلوب مغايض: نعم حبيبتي،،سمعيني مرة ثااانيه،،شوو قلتي؟؟؟



عزووه وهيه اتقرب صوو موزوه وبهمس: اقوولج ما فينا الحين،،خليها اتولي



موزوه وبصوت عاالي والكلاام كان لأسما: ماااااالج حاااايه،،ع كييييفي متى ارمس ،،وعلى منووه ارمس،،تفهمين ولا اخلي ابلة فهيمة اتفهمج هههههه،،



وتدخل ابلة مريم،،وتوقف جدام الباب،،واتعطي بس نظرة بسيطة عسب الكل اييلس مكانه،،


تسجيل خروج
عسى محد شال بخاطره مني
الرد باقتباس
In Love
●●مشَآع‘ـِرْ مَكْتٌوؤمَه ●● غير متصل
 رقم المشاركة : ( 6 )
●●مشَآع‘ـِرْ مَكْتٌوؤمَه ●●
مل قلبيﮱ كتمآنھہ . .
رقم العضوية : 6896
تاريخ التسجيل : Feb 2011
الدولة : United Arab Emirates
العمر : 21
الجنس :  Female
مكان الإقامة : المملكــة الإتحـآأدية الكلــبآأوية
عدد المشاركات : 1,960 [+]
آخر تواجد : 03-03-2014 [+]
عدد النقاط : 93
قوة الترشيح : ●●مشَآع‘ـِرْ مَكْتٌوؤمَه ●● will become famous soon enough
الأوسمـة
بيانات الإتصال
آخر المواضيع
United Arab Emirates
الافتراضي

كُتب : [ 06-03-2011 - 11:59 PM ]

بيت ام سلاامة



الساعة وحدة ونص الظهر



الصالة




ام سلاامة: ياا بويه طاالعي حاالج موول هب عايبنيه،،اتصبري فدييتج،،وادعيله انه الله يهديه،،



سلاامه وولدها (زايد) ع ريولها ،،وموخيه براسها،،وباااين عليها الحزن: امااايه،،شوو اتصبر،،من سنه وسعيد غيير،،كل ما احاول اتقرب منه ينفر مني،،مب عااارفه شوو بلاااه،،تعبت والله العظيم تعبت،،(ودمووعها في عيونها)



ام سلاامه وهيه تاخذ زايد من على ريولها،،وتتقرب من بنتها،،وقلبهاا يعورها ع حالها: ياا امااايه،،الدنيا جذيه،،محد يتم ع حااله،،لا تلوومينه،،فراق ابووه هب شووية عليه،،



سلاامه وهيه ترفع راسها والدموع مخرسة ويهها: وانااا شوو ذنبي،،شوو ذنب عيااااله،،يسألووني عنه كل مرة،،وااحد مب مفتكر لا في حرمته ولا حتى اهله،،شوو تبيني اقوولج ياا اماااايه،،هو حتى الغرفة ما يدخلهاا،،اييني آخر الليل ويرقد فالصاااله،،واذا نش،،ما يرمسنيه ويطلع من البيت وما يرد،،مب حااااله جذيييه،،



ام سلااامه: يااا بويه جااان شاال فخااطره عليييج،،ما تعلمين،،الريااال تراه ما يرمس،،ولا بيقوول اللي في فواده،،يمكن....وتقااطعهااا سلاامه،،



سلااامه وهيه اتصيح اكثر: امااااايه والله العظيم اني شالتنه فووق راسي،،حاطتنه في عيووني ومغمضة عليه،،لو احيد نفسي مقصرة والله العظيم ما بشكي لحد،،بس انا مب مقصرة فيه ولا في عيااااله،،لو يبى الدنيا كلهاا بييبها له،،بس يردلي،،،اماااايه متووله ع شوووفته،،،متولهه اسوولف ويااااه،،،




"انهااااارت،،ومحد يقدر يلوومهااا،،سلااامه بنت وااااايد حلوة،،جماال واخلااق وتواضع،،سلاامة هي اكبر اخوانها،،عمرها تقريبا 27 سنة،،دخلت الجامعه ،،بس ما قدرت اتكمل لنه سعيد كان مستعيل يبى يعرس،،فوقفت،،وعقب حملت،،وفالنهاية سعيد ما خلااها اتكمل فسحبت اوراقها من الجامعه،،عندهاا بنت( مهرة،ثلاث سنوات،)،،وولد(زايد سنة ونص)،،سلاامه انسانه واايد طيبة،،والكل يشهد ع هالرمسة،،كانوا هالاثنينة عايشين حيااة أحلى من الحلاا،،بس سعيد انجلب حااله،،واتغير كل اللي كانت سلاامه تبينه من زماان،،"




جامعة الامارات،



الساعة 2 الا ربع الظهر



المبنى اليديد(80)



حذال الكراسي اللي عند المسيد،،




علياا: اقوولج يزووي،،شوو راايج نشتري لابتوبات من الجامعه ولا من برى،،



يزوي وملاامح التعب باينه ع ويهها ومسانده ظهرها ع الكرسي: ما ادرييبج،،بمووت من ريووولي علاااايه،،حشى عيييت اليوم من كثر ما امشي،،كله منج،،الا انسير منا وتعاالي مناك،،



علياا: هههه،،امبوونج انتي ما تقهرين التعب،،سمعيني،،انا ابى اشتري من الجامعه،،يقولون احسن،،ومناك اذا اخترب او شي،،المهندس جاهز اهنيه،،هاا شوو الراااي؟



يزووي وهيه تتثاوب: ما عليه ما عليه،،خير خير لين باجر،،



علياا: برااايج العيووز،،وووينها حصة،،ما جنهااا بطت عليناا،،؟؟؟



يزووي وهيه اتظهر تيلفوونها : صبري صبري بدقلها،،انا بمووت ابى ارقد،،



علياا: لالالا خلاااااص هاااذيه العرووس وصلت،،،



حصة وهيه اتبسم : السلاااام عليكن،،



علياا+يزووي: وعليييج السلااااام،،



حصة: بسم الله بلاااج يزوووي؟؟ شي يعورج؟



علياا: ههههه ،،ما بلااااها شي،،الا رقاااااد مب شبعااانه



حصة: ههههه عيييت ما اقولها،لا تسهرين لا تسهرين،،ما تسمعنيه



يزوووي وهيه اتشل شنطتها واوراق في ايديها،،واتنش واقفه: اقووول شكلكن وايد متفيجاات،،خلنا انرووح،،يلاا،،



حصة: لالا صبري ،،شمووس تبى اترووح وياناا،،مطرشتليه مسج ،،دريولهم محد ،،



يزووي: شموووس ولالا حبيب القلب ؟؟



حصة وهي اتغمز ليزووي لانها ما اتحب هالحركاات،،وعليا اتعرف شخصية حصة فما اتكلمت،،



يزوووي وهيه مضاايجه من حركة حصة: انزين انزين،،انتي برايج اتريي شموس،،وانا وعلاايه بنسير البوابه،،اوك



حصة: ليييش عااد،،صبري بنسير ربااعه



علياا: صدقهاااا،،صبري شووويه،،



يزوووي : ما عليه الشيخاااات،،انا بسير عند الثلااجات باخذليه شي،،وبرد،،شي تبن؟؟



عليا: تبيني اسير ويااج؟؟



يزوي وهيه مضايجه: لالا،،انتي تمي ويا حصة،،اييبلكن شي،،



حصة: انا ما ابى شي،،علياا شي تبين؟



عليا: اممم هاتيلي دبة ماي،،



يزوي وهيه اتحاول تخفي ملاامحها،،بابتساامه من ورى خاطرها: ان شااااااااا الله،،



اليازية++يمكن الموقف ما يستااهل،،بس انا طبعي جذيه،،الانسان اذا اتجمع في قلبه جرح ورى جرح،،تكون ابسط الامور اضاايجه حتى من اقرب الناس له،،وانااا في قلبي مب بس جرح او جرحين ،،في قلبي جرووح من زمااان مب قاادرة انساااها،،او حتى أسلى عنهاا،،بس أي حد يشوفني بيتوقع اني انسااانه اضحك واسولف ولا هامني شي في هالدنيا،،،حصة اختيه من النوع اللي ما يحب حد يدخل في خصوصيااته،،يعني من يووم خليفة ولد عمتيه ملج عليهاا،،ولا مرة قالتلي عن موقف صار بينها وبينه،،حتى لو كان شي عادي،،تااخذ واايد من أطباااع اميه،،بس هالشي يضاايقني وااايد،،لانها اختيه الوحيده،،وودي اشااركها أي شي هي اتحبه،،



اليازية وهيه واقفه تتريا وحده من البناات عند الثلااجات،،عسب تاخذ اللي تباه،،والا بصوت مسج واصلنهااا،،



اليازية++اول ما ياااني المسج،،كااان عندي احساس كبيير انه هوو،،لنه في كل مرة يطرشليه مسج اعرف انه هو ،،محد غييره يعرف رقمي،،فتحت المسج،،وكالعااادة،،مسجااا ت حب وغرااام،،وشوية جذب وخرااابيط،،،مليييت من تصرفاااته،،وملييت من كثر ما يراقبني،،كاان في كل مرة يذكرنيه بالشي اللي سويت هوياه ايام ما كنت فالثانوية،،في كل مرة يفتح الجرح ويخليه ينزف اكثر واكثر،،مع انه كل اللي صااار مب ذنبي،،ذنبي اني كنت مصدقتنه،،وعلى نياااتي،،وقلت هذيج الاياام،،ولد عميه ومستحيييل يسويبي شي،،بس ما تنفع الرمسة الحينه،،قريت المسج،،ومن كثر ما كنت دايسة ع قلبي،،عسب ادمووعي ما ينزلن،،ثبت مكااني،،واتحديت كل هالألم اللي في قلبي،،وخذيت اللي أباااه،،ومشيت وانا رافعه راسي ومبتسمه كالعااادة،،


تسجيل خروج
عسى محد شال بخاطره مني
الرد باقتباس
In Love
●●مشَآع‘ـِرْ مَكْتٌوؤمَه ●● غير متصل
 رقم المشاركة : ( 7 )
●●مشَآع‘ـِرْ مَكْتٌوؤمَه ●●
مل قلبيﮱ كتمآنھہ . .
رقم العضوية : 6896
تاريخ التسجيل : Feb 2011
الدولة : United Arab Emirates
العمر : 21
الجنس :  Female
مكان الإقامة : المملكــة الإتحـآأدية الكلــبآأوية
عدد المشاركات : 1,960 [+]
آخر تواجد : 03-03-2014 [+]
عدد النقاط : 93
قوة الترشيح : ●●مشَآع‘ـِرْ مَكْتٌوؤمَه ●● will become famous soon enough
الأوسمـة
بيانات الإتصال
آخر المواضيع
United Arab Emirates
الافتراضي

كُتب : [ 06-04-2011 - 12:01 AM ]

بيت بو سيف



منطقة الذيـــــد



الساعة خمس وربع العصر



الميلس،،



بوسيف: انااا ما بعيد رمستيه مرتين،،اتسير ويا اخووك وتدرس،،غير هالرمسة ما عندي،،



خالد: بس ابويه انا مرتااح اهنيه،،والحمدلله امشي ف دراستيه،،والدراسه اهنيه الا شرات برى،،



بو سيف: خااالد انا قلت رمسة وخلااص،،اخووك سيف عقب اسبوعين بيرد يسافر،،وانته بتدرس في نفس الجامعه اللي اخوك يدرس فيهاا،،سيف بيخلص كل اوراقك والتسجيل وهالسوالف،،اتوكل ع الله وشد حيلك،،



خالد وهو خلااص مب قادر يتناقش ويا ابووه: ان شاا الله،،



خالد++23 سنة ،،كان يدرس في جامعة الشارقة الامريكية ،،ويمووت في شي اسمه طيرااان،،كان ناوي من اياام الثانويه انه يدرس هندسة طيران،،ومن اول ما خلص دخل الجامعة،،واتأخر لين ما خلص متطلبات تخصصه،،بس مشكلة خالد انه مب شاااطر وااايد،،عسب جذيه ما قدر يدش في التخصص لين ما يرفع معدله،،ويوم شااف ابوه اوضاعه ما تمشي،،قرر انه يسفره برى،،ولهدف معين كان راسمنه بوسيف في عقله،،كان يشووف خالد لاهي ويا ربعه،،وحياته كلها وياهم،،من غير السفرات وهالسوالف،،فقرر انه يطرشه ويا اخوه سيف(27 سنه) اللي من الاساس كان يدرس في كندا من ثلاث سنين تقريبا،،تخصص هندسة بتروول،،بوسيف انسان مثقف،،ودارس ،ناااس عندهم خيير ما شاا الله،،واهم شي عند بوسيف الدرااسه،،سواء البنات او الشباب،،




خالد وهو طالع من الميلس ويركب موتره ،،ويرن تيلفووونه،،



خالد ومن دوون نفس: ألووو



محمد: لالالا غلطااان اخويه،،،اسمحلنااا،،



خااالد وهو يتنهد: محمد هب فااايجلك الحينه،،خلصني شوو تبى؟



محمد: حووووه خاااالد،،بلااااااك؟؟



خاااالد وهو يضرب بإيده على السكاان: الله يااااخذ الدراااااسه واللي اخترعهااا،،



محمد: بلااهااا الدراسه؟؟ترااك تدرس،،ومحد غاصبنك عليهااا،،وبروووحك تمدحليه هالجامعه اللي انته فيهاا،،وتراك امبوونك ترسب ،،عاااادي هههههههه



خااالد: اقووولك محمد انته شكلك متفيج،،بخليييك الحينه،،



محمد: خقاااااق ترااك،،داقلك واتقولي بخليك،،قولي قولي،،الواااالد صح؟؟



خااالد: منووه غييره اللي يضاااايجني بالله عليك،،



محمد: استغفر ربك ،،هذا ابووك،،انته اتعرف طبعه،،امبوونه جذيه،،ارووحك قاااايلي عنه،،يعني مب أول مرة،،



خاااالد وهو يبتسم من ورى خاطره: لا،،بس هالمرة طالعلي بموااال يديد،،



محمد: ارمس ،،شوو قااالك؟



خااالد: يباااني اسااافر ويا سيف،،اتخيل يبااااني ادرس هندسة برى،،انا اهنيه ويالله ياالله نجحت،،ووين بنجح برى،،قوولي انته بس!!



محمد : بذمتك،،،بتسااااااافر،،وان ته شوو قتله؟



خالد: انته اتعرفه ابويه،،اذا حط شي في راسه،،محد يرووم يرمسه،،،



محمد: ياا رياااااال،،ابوووك ادرى بمصلحك،،وما تعلم يمكن هالسفرة فيها خييره،،



خالد: انا ماااا ابى اساااافر،،اتعرف شووو يعني ما ابى،،



محمد: يلااا خلوووود لا تستوي شراات اليهااال،،وتوكل ع الله،،



خااالد: اقووول محمد برااايك برااايك،،مع السلاااامه،،(ويسكر الخط في ويهه محمد)




خالد++دوومه جذيه،،،اذا حط شي في رااسه ما يشااور،،قبل ثلاث سنين لزم على اخويه سيف انه يدرس برى،،واتقطع قلب أميه وهيه اتصيحه ما تبااه يسافر،،بس محد يرووم يوقف جدام كلاام الوالد،،لا تفهمون اني ما اعزه ،،بالعكس انا اتعيبني شخصيته واهتمامه،،بس اللي ما يعيبني فيه انه ما عاطنا فرصة الاختيار،،والله يستر من اللي بيي منه،،




"خالد ومحمد صاروا ربع بالصدفة،،اتلااقوا في سوريا في سنة من السنوات،،،وردوا البلااد وصاروا ربع اكثر من قبل،،يتلاقون أحيانا في الويك إند،،بس لنه خالد ملتزم بدراسه وهالسوالف فصعبه عليه يشووف محمد كل اسبوع،،طبعاا اتصالاتهم ما تنقطع عن بعض"





بيت بوسعيد



الساعة سبع الا ربع المغرب



غرفة يزوي+حصة



اليازيه++قمت والحجرة ثلج وظلااااام،،،حسيت راااسي ثجيييل،،وآخر شي اتذكره اني كنت اصيح قبل ما ارقد،،،الله يااخذ احمد،،وياخذ اليوووم اللي حبيتك فيه،،استغفر الله،،انا قاايلة ما بدعي عليه،،،بس ما اقدر،،ذابحني بهالمسجاات اللي يطرشهن،،لا تقولولي اني ما فكرت اغير رقمي،،فكرت وااايد،،بس حتى لو طلعت بطاقه ثانيه،،احمد يقدر اييب رقمي من تحت الارض،،بقووم ابدل واصلي،،بس كأنه واصلنيه مسج،،،،،



" اول ما شاافت المسج،،فجت عيوونهااا،،واجمعن دمووعهااا بين رموشهااا،،،وفرت التيلفووون ع الارض،،وانطوت على نفسهااا وتمت اتصيح مثل الياااااهل،،،،"




ألا يـــا دمع لا تذرف دخيــــلك وش هــــي الأسباب...وش اللي يجبرك تذرف وتكسر في الهـــوى عينـــي...وتحرقني ليا مــنك ذرفــت وتحرق الأهــــداب...وتكسر بي شموخٍٍٍٍ ما خبرته انكسر فينـــي..

.
.
.


(( خلــــص البــآأرت الأول ))
اتمنى يكون عيبكم
ولا تنسسسون حقوق الكاااتبه عند النقل


تسجيل خروج
عسى محد شال بخاطره مني
الرد باقتباس
In Love
●●مشَآع‘ـِرْ مَكْتٌوؤمَه ●● غير متصل
 رقم المشاركة : ( 8 )
●●مشَآع‘ـِرْ مَكْتٌوؤمَه ●●
مل قلبيﮱ كتمآنھہ . .
رقم العضوية : 6896
تاريخ التسجيل : Feb 2011
الدولة : United Arab Emirates
العمر : 21
الجنس :  Female
مكان الإقامة : المملكــة الإتحـآأدية الكلــبآأوية
عدد المشاركات : 1,960 [+]
آخر تواجد : 03-03-2014 [+]
عدد النقاط : 93
قوة الترشيح : ●●مشَآع‘ـِرْ مَكْتٌوؤمَه ●● will become famous soon enough
الأوسمـة
بيانات الإتصال
آخر المواضيع
United Arab Emirates
الافتراضي

كُتب : [ 06-04-2011 - 12:02 AM ]

همســة // البـآأرت يكون واايد طوويل
عسب جيه انا بحط كثر ما اقدر من بارتات
ع حسب انا متى فاظية
ويمكن اخلص احطها في 3 ايام او اقل او اكثر

بسسس اتمنى اذا عيبتكم الرواية

ما تنسسسون حقوق الكاااتبه لــ : ذربة المعـــآأني


تسجيل خروج
عسى محد شال بخاطره مني
الرد باقتباس
In Love
●●مشَآع‘ـِرْ مَكْتٌوؤمَه ●● غير متصل
 رقم المشاركة : ( 9 )
●●مشَآع‘ـِرْ مَكْتٌوؤمَه ●●
مل قلبيﮱ كتمآنھہ . .
رقم العضوية : 6896
تاريخ التسجيل : Feb 2011
الدولة : United Arab Emirates
العمر : 21
الجنس :  Female
مكان الإقامة : المملكــة الإتحـآأدية الكلــبآأوية
عدد المشاركات : 1,960 [+]
آخر تواجد : 03-03-2014 [+]
عدد النقاط : 93
قوة الترشيح : ●●مشَآع‘ـِرْ مَكْتٌوؤمَه ●● will become famous soon enough
الأوسمـة
بيانات الإتصال
آخر المواضيع
United Arab Emirates
الافتراضي

كُتب : [ 06-04-2011 - 12:04 AM ]

الجزء الثاااانــــي





ألا يا دمع وش ينفع خفـــــوقي كلمتين عتـــــاب؟....مـــا دام انه عشق بنـــت غشـــاها الملح والزيــــني....دلالٍٍٍٍ ضمها قلبـــي ..عشقهاآ..مــاآت فيها ...ذابــــ....تولع في هواآهــــا لين قامـ الحـــب يرثينــــي...




بيت بوسعيد



في نفس اليوم(الاحد)



الساعة سبع وثلث المغرب،،




الخيمة اللي فالحوش،،




محمد: أميه جااان الا على سعيد خليه عليه،،انا باااجر ان شاا الله ساااير بوظبي،،وبرمسه،،



اليد(بو سلطان) وهو محرج،،وهو يأشر بعجويته على محمد: عطني عطني انته هالتيلفوون الليفي يديك،،واضرب على سعيد،،هب مريله هاااذي،،رابع لين بوظبي ومندس عن حرمته شراات اليهااال،،ما يعرف المعنى ولا المواييييب،،،



محمد وهو يتبسم: يدي الله يهديك ،،وووين تبى؟ شوو اضرب ما اضرب،،،سعيد تلقااااه عنده كمن شغله هناااك وبيخلص وبيرد ،،ويسوي حركة لأمه عسب اتسايره،،هب جذيه أميه؟



ام سعيد وهيه مرتبكة وعينها على بوسلطان: هيه هيه عميه،،اظني الا عنده شغل،،



بوسلطان(اليد)،،وهو يرد عجويته مكانها،،ويشل فنيان القهوة في ايده..وبكل بروود : هييييه ،،ادريبه انا بوعسكووور،،رياااااال ونعمـ،،،ويشل عينه على محمد،وبصوت عاالي،،هااا بوجسيم ،،،سرحناا!!



محمد وهو فااج عيونه ومستغرب: سرحنااا؟؟؟ وووين تبى يدي؟؟المغرب المغرب الحينه،،ما شي لا مزارع ولا عزب،،،والرجاااب منخمداات،،



بوسلطان وهو يضرب بعجويته على الدعنه: أني رااااعيهاااا،،،ويوقف،،قم قم بنسرح صووب العزبة،،احيد واحد من القعداان هب صاحي،،



ام سعيد: عميه،،الله يهديك المغرب ،،هب زيينه السيرة الحينه



بوسلطان وهو محرج: شدراااااج انتي ،،،لول انبااات وياهن،،ويرد يطالع محمد: قم قم ،،شو ميلسنك،،بعدك الا اتشاور عمرك،،،



محمد وهو يقوم وبهمس: لا حووووول،،الله يصبرنا ع هالشيبة،،،



بوسلطان وهو يطلع من الخيمه والعجوية في ايده،،وبصوت عالي لمحمد: اقوووولك هات هات الدله،،بنقهوي بيدارنااا،،



محمد وهو يطنز عليه: عيل ما تباااانا يدي نطلبه عشى مرة وحده؟؟



بوسلطااان: لا لا ،،عنده عنده،،يتعشى ويا ربعه،،انقفض يا ولد الحلال،،أخرتنا،،




بوسلطان(يدهم)++بوسلطااان عنده ولدين ،،اللي هو سلطان(بوسعيد)،،وعلي(بوسلاا ه)،، وبنت وحده ماخذنها واحد من بوظبي عقب بنتعرف عليها،،،ريااال كبير فالسن،،بس ما شاا الله عليه بعده فيه قوة،،بوسعيد اتوفى بالقلب،،وكان يااخذ واايد شبه من ابووه،،حتى فالأطباع،،



حصة وهيه يايه صووبهم ،،،وهيه متلبسة كندورة خفيفة جلاابيه،،عليها تطريز خفيف،،لونهاا ع الاصفر الهادي،،ولابسه عليها شيلة صفوة من نفس اللون،،وطالع اللون لايق عليها،،



حصة: هااا يدي اشوووفك سااااير،،على ووين؟



اليد: بنسرح انشووف القعدااان،،



محمد وهو يطالع حصة: اخااافه يقووول انبااات عندهن الليلة



حصة: هههههه،،يدي افاااا عليك عااااد،،لا تبااااات هنااااك،،



اليد: قومي قومي انتي،،،لو تباااتون ويا حلالكم ما لقيتكم جذيه،،كل واحد خاش راسه ف كتاابه ويدرس،،



محمد: حصوووه قومي لا يشخطج الحينه بهالعجويه هههههه



حصة:ههههههه ،،،وتصد صووب يدها،،عيل يدي بسير وياكم،،



محمد: لالالا شوو يسيرج،،قري مكاانج



اليد: ما عليييج منه،،ركبي ركبي انتي هالموتر،،ولا اقوولج سيري زقريليه يزوووي،،هي اللي اتعرف اتعابلني،،



محمد: شوو بعد اتعااابلك،،يدي الله يهديك بيأذن العشاا وانته بعدك الا اتلملم هالبنااات،،



اليد: اووووص محد رمسك انته،،حصووه قووومي زقريليه يززوي،،



محمد وهو يهز راسه: لا إله الا الله،،لا تسيرين حصوه،،بندقلها تيلفووون،،...............اقوول حصة ،،يزووي تيلفونها مغلق مب من عوايدهاا



حصه وهيه اتعدل شيلتها: يمكن امفضي،،خلهااا انا بسير ازقرهااا،،



محمد وبهمس: اقووولج خليها خليهاااا..بنسـ.....ويقاطعه يده



بوسلطان(اليد) وبصووت عاااالي: حوووووووه ،،شوو عندكم،،حصووووه شوو موقفنج بعدج،،،وووينهااا يزوووي،،



محمد: راقدة راااقدة يدي،،قاالتلنا ما بتسير،،عيزااااانه من الدواام اليوم



بوسلطااان: عنبووووه ذااااااك الرقااااااد،،،



محمد وهو معصب: يدي،،خلصناا ورانا اشغااااال نحن،،،ما شي شغل الا رجابك في هالدنيا،،



حصة: هههههه يدي عندك اياااااه،،العجوية العجوية ع راسه هههههه



اليد وهو محرج على محمد: هيه ما عندنااا شغل غيييير رجااابنا،،تشرب عيل من حليييبهن ما قلت لا،،حرك حرك الموووتر ،،ويلااا حصوووه ركبي،،




الساعة 8 الا عشر المسا



بيت بوخليفة



المطبخ



موزووه وهيه واقفه جدااام المطبخ وتناااغج ع البشكارة: أنيسووووه ،،انقفضي،،شوو فيه انتي زياااده تعباااان،،



أنيسة وبصوت عاالي: انتي كله سوي سوي،،انا ما يقدر بروووحج،،مناااك زياده شغل،،



موزوه وبعصبيه واتصد صووبهاا واتأشر على نعالها: اتشووفين هالنعااال ع رااااسج ان عليتي صووتج مرة ثاانيه،،والله ،،قاااااااصر الا انتي بعد،،ساادتناا صدعة المعلماااات اليووووم،،يلاااا طلعيهااا من الفرن،،بسهااا،،الا كيكه هييه،،شوو يبااالهااا،،،اللي يشووفج يقووول تطبخلينا ذبيحه،،



أنيسه وهيه معصبه: مااافيه خلاااااص،،يريد انتي،،تعااآآآلي داااخل مطبخ ،،



موزوووه وهيه خلااص شوي وبتضااارب البشكارة: اقوووولج لمي ثمج وسكتي،،لاني خلااااص بذبحج بعد شوووي،،،شوو تحريين عمرج،،مناااال العااالم ما ادري شوو اسمهااا بعد،،اوووف منكن،،



خليفة وهو ياي من ورى موزووه اللي صاده صووب أنيسه واتواجعها،،وخليفة الوحيد اللي موزوه ما تقدر اطلع دلعهاا جدامه،،انسان جدي جدام خواته،،ويحترمه الصغير والكبير،،



خليفة: موزة بلاااااج صووتج شااال البيت،،



موزه وهي تلتفت وهي مرتبكه اول ما سمعت صوت خليفه اخوها: هااا،،لالا ما شي،،بس اقوول للبشكارة اتزهب الكيكة بسرعه لاني يوعاانه وااايد،،



خليفة: تطلبين منها اللي تبينه بشوي شوي،،هب مزاااعج،،تسمعييين ولا لا؟؟



موزوه وهيه موخيه براسها: ان شاا الله ،،ان شاا الله،،



خليفة: رفعي راااسج اشوووف،،



موزوه وهيه ترفع رااسهااا وعينهاا في عيون خليفه: ان شاا الله



خليفة: اتحبين حد يعااملج جذيه،،جيه هاي مسكينه بعد.. مخليه اهلها ويايه اتخدم عدنا وبعدج اطولين حسج عليها،،ترااهاا دوووم اتشكى منج،،والله يااا موزوه والله ان سمعت مرة ثاانيه انه البشكارة تشكي منج،،اتعرفين شوو بسوي،،



موزوه: اعرف اعرف،،ان شاا الله ما عليه،،آخر مرة،،



خليفة وهو يحط ايده في مخباه ويطلع تيلفونه: انا ساااير،،شي تبوون؟



موزوه وهيه مرتبكه وتبى الفكه: لالا ،،سلاامتك،،



تسجيل خروج
عسى محد شال بخاطره مني
الرد باقتباس
In Love
●●مشَآع‘ـِرْ مَكْتٌوؤمَه ●● غير متصل
 رقم المشاركة : ( 10 )
●●مشَآع‘ـِرْ مَكْتٌوؤمَه ●●
مل قلبيﮱ كتمآنھہ . .
رقم العضوية : 6896
تاريخ التسجيل : Feb 2011
الدولة : United Arab Emirates
العمر : 21
الجنس :  Female
مكان الإقامة : المملكــة الإتحـآأدية الكلــبآأوية
عدد المشاركات : 1,960 [+]
آخر تواجد : 03-03-2014 [+]
عدد النقاط : 93
قوة الترشيح : ●●مشَآع‘ـِرْ مَكْتٌوؤمَه ●● will become famous soon enough
الأوسمـة
بيانات الإتصال
آخر المواضيع
United Arab Emirates
الافتراضي

كُتب : [ 06-04-2011 - 12:06 AM ]

الساعة 8 المسا



بيت بوسعيد



غرفة اليازية،،



اليازية++عقب ما ذبحت عمري من الصيااح،،قويت عمري ونشيت،،قمت اشووف عيووني فالمرايه،،حسيت اني انساااانه وااااايد ضعيفه وما تستااااهل حتى انها اتعيش،،احتقرت نفسي وانا اتذكر كل اللي صااار،،اتمنيت لحظتها لو اترد الايااام شوي ورى عسب ما اسوي اللي سويته،،اتمنيت انه أحمد يمووت اليوم قبل باااجر،،،اتمنيت واتمنيت وااااايد،،بس بظل بنت مب قادرة توقف في ويووهم كلهم واتقولهم شو اللي جارح قلبها من زمااان والسبة ولد عميه،،اتعوذت من الشيطان واتوضيت وصليت ركعتين اهدي فيهم نفسي،،واستسمح من ربي،،حطيت شوية جحال في عيووني عسب أميه ما تلاااحظ اني صايحه،،لقيت تيلفووني مفرور ومتفجج قطعة قطعة،،مسكته وانا ذكريااااتي اتردني لورى،،اياام ما كنت فالثانوية >>>>>



اليازية(ايام ثالث ثانوي)++كنااا مسوين عشا فالعزبة،،نحن وقوم عميه ،،كان الجو أيااامهاا برااااد وغييم،،اذكر انهاا دقتليه بعد صلااة المغرب عليا ربيعتيه تتخبرني عن الاجواء،،فقمت عن البناات وطلعت من الخيمه ورحت اتمشى شوي بعيد،،كان الجو قمرة،،فما اتروعت لانه الدنيا ما كانت ظلاام حييل،،اتمشيت وانا اسولف واضحك ومندمجه ويا علاايه،،وما دريت الا بصووته ورايه،،التفت بسرعه ويت عيني في عينه،،لأول مرة كااان اييني احساس غريب،،،كان كل شي فيه يجذبني خاصة ابتسامته،،ونظراته اللي لين اليوم ما انساها،،شليت سماعة تيلفوني ونزلته تحت،،وسكرت التيلفون وانا عيووني متعلقات في عيوونه،،



أحمد وهو يتبسم: لا يكوون قطعت علييج مكالمتج؟؟



اليازية وهيه مرتبكة: لالا عااادي،،بغيت شي؟؟



احمد: هيه نعم ،،في خاطريه شي ودي اقوله لج،،



اليازية ومتوترة : اتفضل،،



احمد: اليازية انااا الصرااحه معجب فيييج،،وابااااج،،



اليازية وهيه مب مستوعبه شو اللي قاله احمد ..نزلت راسهاا وهيه مستحيه من نظراته: ..............................



احمد وهو يتبسم: اليازية ادري انج بعدج تدرسين ،،ما عليه هاذي آخر سنه لج،،واول ما اتخلصين بملج عليييج،،



اليازية وهيه مرتبكة ومشت عنه وخلته واقف مكانه،،،



اليازية++كاان قلبي لحظتهااا يدق طبوول،،كنت مستاانسة،،لا تسألوني السبب،،يمكن لانه اول مرة حد يقولي هالكلاام،،ومن منووه،،من ولد عميه،،حسيت كأني ملكت الكوون كله،،احساس خلااااني احب كل شي حووولي،،أحمد ما كان من النوع اللي يندمج ويا بنات عمه،،فأغلب الوقت ما كنا نتشاوف،،وحتى اذا شفته ما احس بشي تجاهه،،غير انه ولد عميه بالاسم،،بس عقب ما سمعت كلاامه في ذيج الليلة،،اتغير كل شي فيني،،صرت انساانه مشغووله بانسان،،فكري كله عنده،،مع انها كانت مجرد كلمة،،بس خلتني اعيش عالم ثااني،،عالم حلو واااايد،،




فجأة>>>>> تتدخل عليهاا أمهااا..



ام سعيد وهيه اتشوف يزوي سرحاانه وماسكه تيلفونهاا وضامه ريولها لصدرهاا: يزوووي بلاااج يالسة على الدعنه،،بويه شي يعورج؟



اليازية وهيه اتمش دمووعها بسرعه واتوخي اكثر براسهاا على اساس انها اتعابل تيلفونها : لالا أميه بس تيلفوني طااح من يدييه واتفجج،،شي فخااطرج اماايه؟



ام سعيد: فديييج اباااج ادقيين على حرمة اخوج سعيد،،سلاااامه،،ابى ارمسهااا،،اتولهناا ع زايد ومهرة،،



اليازية وهيه بعدهااا اتحااول اتصد عن امها عسب ما اتشوف عيونهاا: ماا عليه امااايه،،بلف بس شعريه وبييج اروووحي،،



ام سعيد: لا تبطين عليه،،بتريااااج فالصاااله،



اليازية++طلعت امااايه ،،واتنهدت من قلبي،،وركبت تيلفووني بسرعه،،ومسحت المسج اللي مطرشنه أحمد،،واتمنيت اني ما قريته،،،آآآآآآآخ يالدنيااا كيف انهاا غداارة،،،قمت وغسلت ويهي ولفيت شعريه،،ونزلت تحت عند اميه،،بس قبل ما أنزل ،،،سمعت صووت ريااال فالصااله،،تميت واقفه ع الدري،،وانا اقووول هالصووت مب غريب عليه،،قربته اميه ،،وسمعتها تفتح باب الصاله وطلعت،،معناااته كان الرياال ياالس برووحه،،فجأة وانا تيلفوووني في مخباايه وصلنيه مسج،،



(**********) رقم أحمد....والمسج كان( نزلي أنا اتريااااج تحت،،واذا ما نزلتي اتعرفين شوو اللي بيصير،،تفهمين)



من الاساس سمع المسج وهو يوصلنيه،،وانا اتيبست مكااني،،ما دريت فيه الا واقف عند آخر الدري،،وهو يبتسملي ابتسامته الخبيثة،،



أحمد: هاااا،،،بلاااااج وااقفه،،يووم اقوولج نزلي يعني تنزلين،،،ولا تترييني امسكج بإديج ونزلتج لين تحت،،،فكرة حلوة صح هههههه...ولا اقوووولج دامنه محد فالبيت شوو راااايج حبيبي اطلع ويااااج فوووق،،،اكيييد اتولهتي عليه صح؟



اليازية++ما اقدر ارد عليه،،من يوم صار اللي صار هو ذاالني وحاطني تحت ريووله،،اول ما شااف اميه من زجااج الصاله وهيه يايه،،رد ويلس،،وأناا رديت غرفتيه وقلبي مكسوور كالعاااده،،بس كل مرة احااول اني اتحدى هالشعور اللي في داخليه،،دقيت لعلااايه وتميت اسوولف وياها عسب بس اغير مزااجي،،



بيت بو خليفة



جدام المطبخ،،



الساعة ثمان وربع المسا



موزه وهيه ماسكة صحن صغير وحاطتلهاا كيك والشوجه في ايدهاا++اسميييه مسوي عمره استاااذ،،كل يوووم محااضرة عن كييف اتعاامل ويا الناااس،،وكيف ارمس،،وكييف ايلس،،وما ادري شووووه،،،،شووووو هالعاااالم المتخلف اللي انا عااايشة فيه،،،واقفيلي عالشخطه،،،متى بيعرسوون هالاخوان وبيلتهوون بحريمهم،،وبنفتك من هالمحاضراات كل يووم،،عيييل لو يعرفوووون شوو اللي في قلبي اسمهيم بيشلووون العين فووق رووسهم،،بس خلهم يولووون،،ومنوووه يعني بيدري،،،كل وااحد حر في حياااته،،بسوي اللي ابااااه،،شوو فيهاا الدنيا هيه،،



شمسة وهيه يايه صوبهااا وشاله كتاب صغير في ايدهاا,,,,



شمسه : موزة ماشفتي هزااع وينه؟



موزوه وعينهاا ع الكيكه: جيه ريلي،،شدرااااني أنا،،كل واحد لاهي بحياااته،،



شمسه: رمسي رمسه سنعه ولا ترمسين موول



موزوه وهيه اتشل راسهاا واتفج عيونهاا: لالالا...ابلة التاااريخ في بيتناااا،،ما اصدق،،،ههههههه



شمسه وبعصبيه: انا ما قااايتلج ستين مرة لا اتمين تتطنزين على معلماااتج،،هب ززين عليييج،،طلعي من المدرسة وخلي ذكرة طيبة عند كل وحده فيهن،،،



موزوه وهيه تبسم: صبري صبري ابلة شمسه بصفقلج،،بخلص كيكتيه قبل هههههه



شمسه: ما منج فاااايده انتي،،،خسارة الرمسة وياااااج،،،



موزوه: هيه والله صدق،،،كم خسرتي،،لا يكوون عاااد الخسااارة وااايد،،،تبين بسلفج هههههه



شمسه وهيه اطنشها وتزقر على انيسه: انيسه ماما يطلع المغرب،،يروح هذا بيت عذيجه؟



أنيسه: يس ماما،،



شمسه: اهاااا،،



"شمسة...تااخذ واااايد من اطباااع خليفة،،انسااانه حقاانيه وما اتحب الغلط،،تعبت من كثر ما تنصح اختهااا،،بس موزووه مستقووية،،دلع ابووهاا خلاااها ما تفكر الا في نفسهاا،،ما اتفكر الا كييف ترضي نفسهاا وبس،،شمسة من النوع اللي واايد اتحب تقرأ روايات ادبية،،انسانه عندهاا ثقاافه عاامه عن كل شي تقريبا،،فااهمة الحياة وتتصرف دايما بحكمة،،"



الساعة ثمان وثلث المسا



في نفس الوقت



بيت بوسعيد



الصاله اللي تحت..



محمد ويده وهم يدخلون على أحمد وام سعيد فالصالة,,,



أحمد وهو ينش يواييه يده: هلاااااا بالشيييبه،،،شحاااااالك؟



اليد: شباب شباب بعدنيه،،



احمد: ههههههه عيل بنيوزك يدي



محمد وهو يوايهه أحمد وبهمس: منوووه هاااي الخبله اللي بتااخذ يدك ،،



أحمد وبصووت عااالي: اسمع اسمع يدي محمد،،،يسبك ترااااه



اليد وهو اييلس ويتنهد،،ومطنش رمسة احمد : ييييييهااا ياا حااافظ ع البر،،،اسميه ودك ما اترد،،



حصة وهيه واقفه برى الحوش اترمس خليفة فالتيلفون،،



حصة: يعني اتم برى ليين يطلع،،خليفة انزين ما فيهاا شي،،إلا أحمد..



خليفة: أنااا قاااايلج هذا ولد عمج ما ادااانيه،،،كيييفي،،وما ابااااه حتى يشوووفج،،تسمعين ولا؟



حصة وهيه تبسم: بلااااك خليفة،،فضيحه ما اسلم عليه،،



خليفة: حصوووه،،انا قلتلج لا يعني لا،،كم مرة بعيدهاا رمستيه،،انا قااايلج اذا ياا هالانسان بيتكم ما تطلعيله خيير شر،،ما يعيبنيه،،،



حصة وهيه تمشي صووب المطابخ: ان شاااا الله ..شي فخااطرك بعد؟



خليفة: هيه شي،



حصة وهيه تبسم: ادري شوو فخااطرك،،نحن متفقين ع هالموضوع،،اتحمل ما شي بااقليه الا هالسنه وخلااص،،



خليفة وهو يحااول يقنعها في كل مرة: حبيبي والله العرس ما بيضيع علييج،،خلينا انعرس نص السنه،،وبيبقااالج اربع شهور،،حتى لو تبيني ادرسج بدرسج،،،



حصه: ...........................



خليفة وهو معصب: ادري ادري،،اعرفه ردج،،برااايج مع السلاااامه،،



حصة++كل مرة جذيييه،،كل يومين نتناقش في نفس الموضوع وافهمه واقوووله ،،بس خليفة مب مقتنع،،،مستعيل على هالعرس،،،واناا منااك مب قاادرة اجرأ واعرس في نص السنه ،،اعرف كييف بتكوون اوضااعي،،هذا اذا ما صااار شي ،،وانتوا فااهمين عليه،،


تسجيل خروج
عسى محد شال بخاطره مني
الرد باقتباس
In Love
إضافة رد


أدوات الموضوع ابحث بهذا الموضوع
ابحث بهذا الموضوع:

بحث متقدم
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 08:32 PM.

Powered by vBulletin® Version 3.8.7
Copyright ©2000 - 2017, vBulletin Solutions, Inc.
vEhdaa 2.0 by NLP ©2009